Os tirapteros (nombre cientifico Phthiraptera), conoixius popularment como pegollosCon a variant pedullo. u piolloCon as variants pioll y piocho., son una orden drento d'os insectos neopteros sin d'alas, en a cual actualment s'incluyen mas de 3000 especies. Son todas as ditas especies animals ectoparasitos obligaus de mamiferos y aus.
Os pegollos sole pasar que seigan muito especificos nomás que de bella especie de huespet, estando-ne bellas d'as especies d'o grupo dica remiradas con o puesto d'o cuerpo de l'animal en do li parasitan. A suya mida que ye tan redueita (d'entre 0,5 y 8 mm), garretas fuertas ta reganchar-se firmes en o pelo (u as plumas), y l'abdomen unflau en sección transversal, solen composar a remada d'adaptacions que han esarrollau pa(ra) poder vevir tan apegaus a lo huespet. A color d'o cuerpo suyo sole variar dende lo beix verdisco dica lo gris fosco de bellas especies.
Nombre En l'Alto Aragón, a palabra "pegollo" s'emplega con variants que a ormino reducen bella silaba, como "peollo" u "piollo", y a ormino tamién con castellanización fuerte se'n siente "piojo"BLAS GABARDA, Fernando y ROMANOS HERNANDO, Fernando; Diccionario Aragonés: Chistabín-Castellano; pag. 418. Gara d'Edizions. Zaragoza, 2008.Con a variant "peojo" y "piejo"..
Galeria d'imáchens
Se veiga tamién Mesón d'o Piojo
Notas
Referencias
Vinclos externos
Categoría:Animals parasitos