Iste articlo trata sobre lo municipio aragonés d'Exeya d'os Caballers; ta atros emplegos d'o toponimo Exeya se veiga Exeya.

Exeya d'os Caballers (Ejea de los Caballeros en castellano y oficialment) ye una ciudatCon o títol historico de villa. y municipio aragonés situau en a provincia de Zaragoza, capital d'a comarca de Cinco Villas y d'o partiu chudicial d'o suyo nombre, que incluye municipios d'a Chacetania. Ye, chunto con Sadaba, Sos d'o Rei Catolico, Taust y Uncastiello una d'as cinco villas que dan o suyo nombre a la comarca.

A suya población ye de 16.935 habitants (2007) en una superficie de 609,92 km², con una densidat de población de 28,44 hab/km².

Estió la seu d'as Corz d'Exeya de 1266.

Toponimia Ye bien documentau o toponimo Segia en tiempos d'os romanos, que o mesmo Claudio Ptolomeu en lo sieglo II nombra en a suya obra Geographikè Úphégesis, en o capítol 6, 66 d'o suyo libro II como una d'as 16 ciudaz d'os bascons.(Schulten 1927: 230-232)(Canto 1997).

Marcelino Cortés Valenciano considera que se remonta a la radiz indoeuropea *sek visible en hidronimos d'Europa Occidental y no a la radiz indoeuropea y celta seg ("victoria") u a lo basco etxea ("casa"). D'os muitos hidronimos franceses derivables d'a radiz sek, n'bi ha por o menos tres derivables d'a forma *segia uno d'éls o río Sée en Normandía, atro o río Saye en Charente Maritimo.

En tiempos de de l'Al Andalus s'escribiba xeya u xiya, con a conoixida traza d'arabizar os toponimos autoctonos que encomienzan con s con una x (Exativa, Exatiel, etcetera). D'esta traza o pareixiu con a parola basca etxea ("casa") podría estar casual y a tesi de Ramón Menéndez Pidal de relacionar este toponimo con o basco carent de fundamento.

En a Baixa Edat Meya se rechistran estas variants, mas que mas graficas: Exea, Exeia, Exeya, Esseia, Exseia, Eiseia, Eçeia, Seia. En un texto de 1124 coexisten as formas Xeia y Exeia. L'aparición d'a e inicial ye común con atros toponimos que encomienzan por X en tot Aragón, y tamién ye documentada en l'aragonés que se feba servir en o Reino de Valencia (Exabierre, Exaulín, Exerica, Exaraco, Exeresa, Exulv). Esta e, igual como a i de l'aragonés belsetán y chistabín en ixata/ixada ye pa fer de refirme vocalico pa favoreixer a pronunciación d'a sibilant fricativa prepalatal xorda en posición inicial. Marcelino Cortés Valenciano: Toponimia de las Cinco Villas de Aragón. Institución Fernando el Católico, 2010.

L'apelativo de los Caballeros s'emplega en o suyo nombre oficial dende 1543 d'alcuerdo con Antonio Ubieto Arteta, sindembargo actualment se'n conoixen referencias mes antigas, como una de 1402 (Datum in villa Exea de los Cavalleros), María Rosa Gutiérrez Iglesias: Notas sobre el Archivo Municipal de Sádaba (Zaragoza) I. Fondos documentales del Archivo Municipal de Sádaba según un inventario general del siglo XVII. atros de 1457 de l'archivo provincial de Uesca y de l'archivo municipal d'Exeya d'os Caballers relativos a chudieus d'a familia Argelet, Ana Lacarta, Rebeca Cuenca y Elisa Plana: Un ejemplo de la actividad crediticia de los Argelet en Ejea de los Caballeros a fines del siglo XV. Investigación y Patrimonio en la provincia de Zaragoza I.. y tamién de 1472. Miguel Ángel Motis Dolader: La comunidad judía de la Villa de Tauste durante la Edad Media, en Terceras Jornadas sobre la Historia de Tauste, Zaragoza, 2003, pp. 157-237.

Bi ha muitos microtoponimos en aragonés, tanto documentals (Sant Per, Sant Andreu, Canals (1110), Fraxinet, Gorreia), como actuals (Bonet, Las Canales, Cantagrallas, los Cantales, Escallo, Esparteta, Facemont, Los Fajinetes, val de Don Guillén, El lagunazo de Moncayuelo, Liscar, Malauta/Malanta, Monblán, Ospitaled, Paúles, La Pedrera, El Salobral de Gurrea etc...), destacando arcaísmos aragoneses como Golpillar (puesto a on abundan as rabosas) y Marcuera.

Cheografía Exeya ye en o forcallo d'os ríos Arba de Luesia y Arba de Biel ta formar o río Arba, y en o centro d'una fonada que estos ríos y os suyos afluents excavoron en materials d'o terciario d'a depresión d'Ebro dende o Plioceno.

Se troba situata a 346 metros d'altaria sobre lo livel d'a mar, a una distancia de 76 km d'a ciudat de Zaragoza, a capital d'a suya provincia y d'Aragón.

En a muga con as Bardenas Reyals bi ha monts como Nasa Alta, Nasa Baja y Castillo de la Estaca.

Vertices cheodesicos En o termin municipal d'Exeya se troban os vertices cheodesicos Santía, Torres, Exeya, Pillué, Punta de la Negra, Marcuera, Poco Culo, Pui de Pinos y Aznares.

Clima A suya temperatura anyal ye 15,57 °C, con una temperatura meya en chinero de 6,32 °C y en chulio de 26,06 °C. Valores normales de precipitación y temperatura de la red climatológica (1961-1990). Serie monografías. Año 2000. Instituto Nacional de Meteorología en a pachina web de l'Instituto Aragonés de Estadística (IAEST).

Historia La ciudat d'Exeya fue conquiesta por o Reino d'Aragón en 1105 mientres o reinau d'Alifonso I d'Aragón. David González Ruiz: Breve Historia de la Corona de Aragón. Ediciones Nowtilus, S.L., Madrit, abril de 2012, p. 69,

As Corz de Uesca-Calatayú-Exeya d'os Caballers estioron unas Corz Chenerals d'Aragón que fuoron convocadas por Chaime I d'Aragón, y se facioron en Uesca, Calatayú y Exeya d'os Caballers mientres 1265, estando esta zaguera ciudat a on se formaliza o papel d'o Chusticia d'Aragón como arbitro entre lo rei y a nobleza y s'apreban nuevos fueros.

Luengas y parlas A luenga actual d'Exeya d'os Caballers ye lo castellano d'Aragón, con substrato aragonés. O lexico d'intrés etnografico d'Exeya d'os Caballers se conoix relativament bien por figurar esta localidat en l'ALEANR, con a sigla Z 300. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3. Amás, Octavio Sierra publicó lo suyo Vocabulario general de las Cinco Villas de Aragón.

Demografía

Administración Reparto de concellers Eleccions municipalsArchivo electoral Partiu 1979 1983 1987 1991 1995 1999 2003 2007 2011 2015 2019 Partido de los Socialistas de Aragón 5 8 5 8 11 11 11 9 8 10 10 Partido Popular de Aragón - 1 - 1 2 2 4 4 6 4 3 Independients 6Como Candidatura Popular Independiente 4 42 Como Candidatura Ejea en Acción Municipal y 2 Como Candidatura Independiente Progresista Ejea - - - - - - - 2Como AsíEjea Izquierda Unida - - 1 1 1 1 1 2 2 -Integrau en a coalición Ejea y Pueblos en Común 1 Ciudadanos - - - - - - - - - - 1 Chunta Aragonesista - - - - - - 0 0 1 1 0 Partido Aragonés - 4 7 7 3 3 1 2 0 0 0 Ejea y Pueblos en Común - - - - - - - - - 2 0Como Podemos-Equo en Ejea y Pueblos en Común Unión de Centro Democrático 6 - - - - - - - - - - Total 17 17 17 17 17 17 17 17 17 17 17

Alcaldes Listas d'alcaldes d'Exeya d'os Caballers:

Segunda Republica Lista d'alcaldes Lechislatura Nombre Partiu politico1931–1934 Juan Sancho García Partido Socialista Obrero Español1934–1936 Andrés Peiré Zoco 1936–1936 Juan Sancho García Partido Socialista Obrero Español1936–1936 Jesús Marín Salafranca Frente Popular

Franquismo Lista d'alcaldes Lechislatura Nombre Partiu politico1936–1939 Lorenzo Salafranca Salvatierra 1939–1940 Manuel Bentura 1941–1949 José María Sánchez 1949–1952 Celestino Miguel 1952–1953 Fabriciano de Benavides 1953–1954 Juan Fernández Aznárez 1954–1963 Mariano Alastuey 1963–1972 Juan José Pallarés Cunchillos 1972–1979 Luis Sesé Cerezuela

Restauración democratica Lista d'alcaldes Lechislatura Nombre Partiu politico1979–1983 Mariano Berges Andrés Treinta aniversario de las primeras elecciones municipales de la democracia. Independient1983–1987 Carmelo Urbón Bernad Partido de los Socialistas de Aragón1987–1991 Fernando Acín Fumanal Partido Aragonés1991–1995 Eduardo José Alonso Lizondo Eduardo José Alonso Lizondo en a pachina web d'as Corz d'Aragón. Partido de los Socialistas de Aragón1995–1999 Eduardo José Alonso Lizondo Partido de los Socialistas de Aragón1999–2003 Eduardo José Alonso Lizondo Partido de los Socialistas de Aragón2003–2007 Eduardo José Alonso Lizondo Partido de los Socialistas de Aragón2007–2011 Javier Lambán Montañés Partido de los Socialistas de Aragón2011–2014 Javier Lambán Montañés Partido de los Socialistas de Aragón2014–2015 Teresa Ladrero Parral Partido de los Socialistas de Aragón2015-2019 Teresa Ladrero Parral Partido de los Socialistas de Aragón2019–2023 Teresa Ladrero Parral Partido de los Socialistas de Aragón2023–2027 Teresa Ladrero Parral Consulta el listado de alcaldes que han sido proclamados en Aragón en Heraldo de Aragón Partido de los Socialistas de Aragón

Molimentos Ilesia d'o Salvador, de fins d'o sieglo XII y principios d'o sieglo XIII, una ilesia en estilo romanico, protechida legalment dende lo 3 de chunio de 1931 con a suya declaración como Molimento Nacional. Tien tamién bel elemento en estilo gotico y renaixentista, como la suya torre gotica d'o sieglo XIV. O suyo timpano ye obra d'un mayestro anonimo, clamau mayestro d'Agüero. Ilesia de Santa María, en estilo romanico. Ilesia d'a Virchen d'a Oliva, un edificio d'estilo barroco construyiu dencima d'una antiga ermita documentada en o sieglo XIII.

Esporte O fútbol ye representau por a Sociedad Deportiva Ejea. L'atletismo ye representau por o Club Atletismo Ejea.

Personalidaz naixitas d'Exeya d'os Caballers :Categoría:Naixius d'Exeya d'os Caballers Juliana Larena Fenollé, heroina d'os Seches de Zaragoza (1790-1835). Antonio Posa, campión d'o mundo de luita libre d'os pesos meyos d'a NWA. Félix Lambán, destacato luitador de luita libre, campión d'Aragón, Espanya y Europa. Javier Lambán, President d'a Deputación Cheneral d'Aragón. Gaspar Castellano y de Gastón, President d'a Deputación Cheneral d'Aragón.

Localidaz achirmanatas 22px Marmanda (Aquitania, Occitania). Hermanamiento, en a pachina web oficial d'Exeya d'os Caballers. 22px Portogruaro (Italia).

Notas

Referencias

Bibliografía Marcelino Cortés Valenciano: Toponimia de Ejea de los Caballeros. Centro de Estudios de las Cinco Villas. 2005

Vinclos externos

Pachina web oficial d'o concello d'Exeya d'os Caballers.

*