Lewis Shepard Stone (conoixiu por o suyo nombre artistico de Lewis Stone), naixiu de Worcester (Massachusetts) o 15 de noviembre de 1879 y muerto en Los Angeles (California) o 12 de setiembre de 1953, estió un actor estausunidense, Lewis Stone en Internet Movie Database. activo en o cine estausunidense dende primerías d'os anyos 1910 en o cine mudo dica meyaus d'os anyos 1950.
Mientres a suya ampla carrera cinematografica interpretó a-saber-los de papels, detacando-ne as suyas interpretacions en bellas cintas como The Prisoner of Zenda (1922, Rex Ingram; como curiosidat, tamién treballó trenta anyadas dimpués en o suyo remake en color de 1952, The Prisoner of Zenda), Scaramouche (1923, Rex Ingram; y tamién i treballó en o suyo remake en color de 1952, Scaramouche), The Patriot (1929, Ernst Lubitsch), Grand Hotel (1932, Edmund Goulding), u West Point of the Air (1935, Richard Rosson). Tamién destacó por o suyo papel protagonista como Chuez Andy Hardy en una quincena de cintas.
Biografía En primeras, Lewis Stone s'adedicaba a l'escritura, dica que en esclatar a Guerra Hispano-estausunidense s'alistó como voluntario en l'Exercito estausunidense ta luitar contra los espanyols. En rematar a guerra tornó a escribir pero bien luego prencipió a suya carrera como actor, en primeras en o mundo d'o teatro ta pasar dimpués enta lo cine. En esclatar a Primera Guerra Mundial tornó en l'exercito, recuperando dimpués d'a guerra a suya carrera como actor. Tanimientres, en ixas envueltas o suyo pelo ya s'heba tornau blanco y os papels que li ufriban se correspondeban con os personaches de cierta edat y estatus, interpretando asinas cuantas vegadas o papel de chuez, por eixemplo.
Premios Lewis Stone fue nominau a un premio Oscar a o Millor Actor en 1929 por o suyo papel en a cinta The Patriot, d'Ernst Lubitsch. O premio estió ta l'actor Warner Baxter.
Filmografía