The Rolling Stones ye un grupo anglés de musica rock, formato en l'anyo 1962 y que contina en activo dica hue. Facioron a suya primera actuación en publico en octubre d'ixe mesmo anyo, como teloners d'Alexis Korner. O 7 de chunio de 1963 publicoron o suyo primer disco, o single con a canción Come on. Con It's all over now consiguioron o suyo primer exito de vendas, gosando estar o numero un o 18 de chulio de 1964.
O suyo estilo musical ha estau influito por a musica estausunidense especialment o blues y o rock-and-roll que éls fusionoron en un solo basato en a guitarra e o prototipo d'o hard rock.
O grupo yera d'una aparencia visual y sonora mas dura que la que teneban os Beatles con qui rivalizoron musicalment.
A suya canción mas conoixita ye Satisfaction , que estió numero un l'11 de setiembre de 1965, y que ye famosa por "riff" de guitarra electrica inicial, que s'ha convertito en un patrón d'introducción de muitas atras cancions.
Atras cancions tamién a-saber-lo conoixitas son: Get off of my cloud (1965), Paint it black (1966), Let's spend the night together (1967), Jumpin' Jack Flash (1968), Sympathy for the devil (1968), Honky tonk women (1969), Gimme shelter (1969), Brown sugar (1971) u Angie (1973).
center|thumb|The Rolling Stones 1965: Brian Jones, Charlie Watts, Mick Jagger, Keith Richards, Bill Wyman
Referencias
Categoría:Grupos de musica rock Categoría:Grupos de musica d'Anglaterra Categoría:Grupos de musica en anglés