Aratorés ye un lugar aragonés d'o municipio de Castiello de Chaca, en a comarca d'a Chacetania, en a provincia de Uesca y partiu chudicial de Chaca.

A suya población yera de 32 habitants en 2020.

Cheografía Aratorés se situga a 1.021 metros d'altaria sobre o ran d'a mar y a una distancia de 3 km de Castiello de Chaca, a capital d'o suyo municipio, 17 km de Chaca (capital d'a suya comarca) y a 86 km de Uesca, a capital d'a suya provincia. Ye clavau en un tozal chicorrón que manda toda la val de l'Aragón, en a puyada entre Castiello y o puerto de Borau por do se pasa enta la vecina val de Borau, clamada Sierra d'o Anchelé. Ye un lugar chico en o cual destacan as suyas casas tradicionals.

Bi ha tormos erraticosÁnchel Belmonte Ribas, Guía geológica del Pirineo, Editorial Pirineo, 2003. pp 112

Historia

Seguntes Agustín Ubieto Arteta, a primer cita d'o lugar ye en 1094/1104, recullida en a obra d'Antonio Durán Gudiol Geografía medieval de los obispados de Jaca y Huesca (Uesca, 1962), y documenta las variants Aratorés, Aratorese y Aratoressa. Ubieto Arteta, Agustín: Toponimia aragonesa medieval, Valencia, 1972.

En 2020, as casas que yeran habitadas en o lugar se claman Ascaso, Carlos, Charchán (o Sasián) Isidoro, Juanillo, Lamberto, Lolé, Mariana, Martín, Pedré, Rosenda (o casa Barbas), Zaborras, Cabalero y casa Maestra. Situadas a 1 km de distancia d'o lugar son Villa Juanita y o Molino.

Pervivencia de l'aragonés Encara que bels paisanos sigan conoixedors d'a luenga aragonesa, no se siente guaire charrar en o lugar.

Demografía

Molimentos thumb|right|250px|Ilesia de Sant Chuan Baptista, en Aratorés. Ilesia de Sant Chuan Baptista, a ilesia parroquial d'o lugar, consagrada a Sant Chuan Baptista, que ye romanica d'o sieglo XII, anque modificada en o sieglo XVIII, y que ye formada por una nau culminada por un abside semicircular, elemento orichinal d'a construcción chunto con una inscripción mozarabe y a suya frontera. A inscripción mozarabe no ye d'a ilesia, sino d'a ermita de Sant Chuan.

Vinclos externos

A ilesia romanica d'Aratorés en RománicoAragonés.com.

Referencias

Categoría:Lugars de Castiello de Chaca Categoría:Localidaz d'a diocesi de Chaca en a Chacetania