A puerta Cinecha yera una puerta situata a o sud d'a muralla interior d'a Medina Saraqusta, l'alchama d'a ciudat andalusí de Saraqusta.
En o puesto a on que yera a puerta, en l'actual plaza d'Espanya, se troba hue un centro comercial con o mesmo nombre.
Debant d'a puerta yera lo molimento d'a Cruz d'o Coso.
Historia En a epoca romana pareixe que os cristianos perseguius yeran executaus y cremaus chusto difuera d'ista puerta, puesto a on bi heba un gran foso pa enterrecar-los. O nombre d'a carrera actual a on se trobaba a puerta, Mártirs, asinas como o propio nombre d'a puerta Cinerarum, por as cenisas d'os executaus, tienen relación con iste feito.
En tiempos d'a dominación musulmana se deciba bab Sinhaya, igual que o barrio que yera asentau en o puesto a on ye l'actual paseyo d'a Independencia. Bels autors afirman que a puerta prene nombre d'os berbers cenacha.
O mercau d'a ciudat yera astí situau dende prencipios d'o sieglo XIII dica que en 1218 se tresladó enta a puerta de Toledo."ZARAGOZA EN EL SIGLO XV: morfología urbana, huertas y término municipal", María Isabel Falcón, Institución Fernando el Católico, 2011, ISBN 9788499111018, p.46
Arredol de l'anyo 1492, igual que a puerta de l'Ánchel s'esvielló a beta d'una vesita d'os Reis Catolicos a la ciudat. Mientres a Guerra d'o Francés fue prou danyada, habendo d'espaldar-se lo que quedaba en 1809.
Referencias
Vinclos externos Puerta Cinecha en o Blog antiguaspuertaszaragoza.wordpress.com
Cinecha Categoría:Historia de Zaragoza Categoría:Edificios desapareixius de Zaragoza