Iste articlo tracta sobre A Lecina. Ta altros emplegos d'a parola «Lecina» se veiga Lecina (desambigación).
A Lecina (oficialment, en castellano, La Lecina) ye un lugar aragonés d'o municipio d'a Fueva, en a comarca de Sobrarbe y en a provincia de Uesca. En l'actualidat ye despoblau. ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006.
A Lecina se forma de cualques casas, no guaires, arrocladas arredol d'una carrera sola en a que en i son visibles tres principals: Casa Carrera, Casa a Lueza y Casa Oz. En a mayoría d'os edificios, as piezas de cualque valura como baranas d'os balcons, finestras y puertas las han rancau de fa ya tiempos, por o que puede veyer-se o que i ha adintro sin guaire complicación. O lugar tiene bellas casas con patios de vuelta de piedra, que se son a admirar.
A población no teneba ilesia, y por cuentas d'ella contaba con una capiella chicorrona que, casualment, ye d'os primers edificios que s'estorrocón.
Con a Corona y Montero, y con a Plana, Susiaz, o Plano, o Pamporciello, Fumanal, Carrera, o Lumo de Muro, Ministirio y Muro de Roda fayó parte d'o municipio de Muro de Roda dica l'absorción en a Fueva en a decada de 1960, «Muro de Roda» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de noviembre de 2010 cuan que a redolada quedó graument tocada por a construcción de l'entibo de Mediano.
Referencias
Vinclos externos En http://www.despobladosenhuesca.com
Categoría:Lugars d'a Fueva Categoría:Despoblaus d'a provincia de Uesca Categoría:Lugars afectaus por l'entibo de Mediano Categoría:Localidaz d'a diocesi de Balbastro-Monzón en Sobrarbe