Iste articlo ye sobre una unidat internacional de mesura. Ta atros usos se veiga Metro (desambigación). thumb|O patrón d'o metro, en platín iridiato. O metro (d'o griego μέτρον metron, mida) ye una unidat de mida de longaria d'o Sistema Internacional d'Unidaz (d'o cual en ye a unidat basica de mida de longaria). A suya definición actual ye la longaria d'o recorriu en o vueito por a luz mientres un tiempo de 1/299 792 458 de segundo (arredol de 3,34 nanosegundos).
En 1791, dedemientres a Revolución Francesa, l'Academia de Ciencias de Francia establió lo metro con a finalidat d'uniformizar as unidaz de mida francesas porque dica l'inte bi heban muitas diferencias entre as provincias francesas, en o marco d'a creyación d'un sistema de midas mas racional. Definioron a unidat como a diezmillonesima parte d'a distancia que bi ha entre lo Polo y a linia d'o ecuador terrestre. Expresau como se define a milla nautica, ye la longaria d'un meridiano terrestre que forma un arco de 1/10 de segundo de grau centesimal.
Dimpués se facioron bellas probanzas, que remataron en 1889 cuan se depositó en a seu en París d'a Oficina Internacional de Pesos y Midas un metro-patrón construyiu en platín iridiato.
Equivalencias
1 000 000 000 000 pm - un billón de picometros. 1 000 000 000 nm - mil millons de nanometros. 1 000 000 μm - un millón de micrometros. 1000 mm - mil milimetros. 100 cm - cient centimetros. 10 dm - diez decimetros. 0,1 dam - zero coma un decametro. 0,01 hm - zero coma zero un hectometro. 0,001 km - zero coma zero zero un kilometro. 0,0001 mam - zero coma zero zero zero un miriametro.
Se veiga tamién
Unidaz de mesura aragonesas.
Categoría:Unidaz de longaria