200px|thumb|Yod
Yod ye a decena letra de l'alfabeto fenicio, de l'alfabeto hebreu, de l'alfabeto arameu, de l'alfabeto siriaco y equivale a la letra arabe Yā. Representa o fonema dito "palatal aproximant sonora".
En os textos en aragonés escritos en alfabeto hebreu esta letra podeba representar as vocals i y e. O fonema i s'escribiba con yod en palabras como ביןיא ("vinya"). O fonema e s'escribiba con yod en palabras como liçencia, seglar, fagades ("faigaz"), a saber, queredes ("querez"), poder, torre, ezt... en bels casos como sinyor, escrito con "yod" podemos planteyar-nos si no representa una i como en l'actual sinyor. A vegatas o fonema /e/: preposición "en", "emprar", etc... se trasliteraba con as letras "yod" y "álef" chuntas (י + א). O diftongo /ei/ ("feito", "dreito") se trasliteraba con as letras "yod" y "álef" chuntas (י + א). Tamién serviba a os chudieus d'Aragón pa representar os fonemas palatals /ny/ y /ll/ que no existiban en hebreu y que conseguiban representar calcando a grafía aragonesa ny y ly respectivament en alfabeto hebreu: ןי e לי.
En o "Libro d'as Marabillas d'o Mundo" la denominan joth ("chod").
Bibliografía Manuel Alvar Aljamía hebrea. Estudios sobre el dialecto aragonés I. Institución Fernando el Católico 1987.
Veyer tamién Diftongación debant de Yod
Categoría:Alfabeto hebreu