Antonio Cipriano José María y Francisco de Santa Ana Machado Ruiz, conoixito como Antonio Machado, naixito de Sevilla (Andalucía) o 26 de chulio de 1875 y muerto en o exilio en Cotlliure (departamento francés de Pireneus Orientals, en a comarca catalana de Catalunya d'o Norte) o 22 de febrero de 1939, estió un escritor y poeta espanyol, considerato uno d'os millors poetas d'a Literatura espanyola y d'a Literatura en castellano.
Machado puet considerar-se como un escritor d'o Modernismo, encara que tamién como un representant, por a tematica de parte d'a suya obra, centrada en os problemas d'Espanya, como miembro d'a clamata Cheneración d'o 98.
Antecedents familiars Machado naixió de Sevilla, en Andalucía, o 26 de chulio de 1875, en una familia ilustrata d'a burguesía sevillana d'ideolochía liberal. O suyo pai, Antonio Machado Álvarez, yera etnologo, con publicacions sobre o folklore andaluz y o folklore gallego, y su güelo, Antonio Machado Núñez, yera profesor de Ciencias Naturals, medico, cheografo y zoologo. Su pai yera amigo de recheracionistas como Joaquín Costa u Francisco Giner de los Ríos.
Estudios Encara que de nino estudió en Sevilla, cuan en 1883 nombroron a su pai profesor d'a Universidat Central de Madrit, a familia se tresladó ta ista ciudat, y o choven Machado estudió en a Institución Libre de Enseñanza fundata por Francisco Giner de los Ríos. Sindembargo, Antonio Machado interrumpió os suyos estudios por a malautia y a muerte de su pai en 1893 por tuberculosi, por os problemas economicos familiars.
Vinclos externos
Categoría:Escritors d'Andalucía Categoría:Escritors en castellano Categoría:Exiliaus d'o franquismo Categoría:Miembros d'a Real Academia Española Categoría:Muertos en os Pireneus Orientals Categoría:Naixius de Sevilla Categoría:Poetas d'Andalucía Categoría:1875 (naixencias) Categoría:1939 (muertes)