Os sifonapteros (nombre cientifico Siphonaptera) son una orden dintro d'os insectos neopteros sin alas, conoixitos popularment como pulcesEn singular pulz. Con as variants puz, pulce y pulza, todas ellas formas femeninas. u pulga (d'o latín pūlex). As pulces son parasitos externos d'animals vertebratos (como aus y mamiferos) y s'alimentan d'a sangre d'estes.
As pulces, a la contra que os pegollos, gosan estar oportunistas y aproveitan cualsiquier huespede d'on ne puedan quitar alimento. As especies mas frecuents en os entornos humanizatos son a pulz d'os cans (Ctenocephalides canis), a pulz d'os gatos (Ctenocephalides felis) y la pulz d'os humans (Pulex irritans).
Os sifonapteros tienen un ciclo vital con metamorfosi completa, pos naixen con forma de larva, se fan pupas y se reproducen en forma d'adulto. As larvas d'as pulces no s'alimentan de sangre, a la contra que os adultos, si que ne quitan l'alimento d'as restas organicas que troban sobre la piel d'o suyo huespede (restas de piel muerta, pel, deposicions d'altras pulces, etcetera...).
Imáchens
Notas
Referencias
Vinclos externos
* Categoría:Animals parasitos