Sofuentes ye un lugar aragonés definiu como entidat local menor Listau de entidaz locals menors d'Aragón d'o municipio de Sos d'o Rei Catolico, comarca de Cinco Villas, partiu chudicial d'Exeya d'os Caballers y provincia de Zaragoza.
A suya población ye de 94 habitants (2006).
Cheografía Sofuentes ye situato en a parte sud d'o termin municipal de Sos d'o Rei Catolico, en a cuenca hidrografica d'o río Arba, afluent d'o río Ebro, y no pas d'o río Onsella, afluent d'o río Aragón, como a mayor parte d'o termin de Sos.
Ye a 594 metros d'altaria sobre o livel d'a mar, a una distancia de 120 km d'a ciudat de Zaragoza, a capital d'a suya provincia y d'Aragón.
Historia O territorio de Sofuentes estió un territorio con una muit intensa romanización, y se i troban muitos restos arqueolochicos de l'Imperio Romano, estando a mas amanata a una d'as vías romanas de Zaragoza enta Pamplona y a os importants restos romanos en Sadaba y Uncastiello.
Bi ha repuis d'una antiga torre d'o sieglo XIV, encara que ye fácil que bi hese bellas torres de guaita ta cosirar os camins ta Sos, a Val d'Onsella y l'interior d'o primitivo reino d'Aragón, fendo parte asinas d'as obras defensivas de Sos en una d'as vías d'acceso dende Sadaba y Castiliscar.
Ye fácil que a población de Sofuentes, que dende a suya creyación medieval estió un lugar que dependeba de Sos, se i establise en ista parte d'o termin de Sos ta poder labrar millor os suyos campos, en estar separata de Sos por as altarias d'a Sierra de Sos.
Demografía
Molimentos Ilesia de Sant Chusé de Sofuentes, una ilesia moderna adedicada a Sant Chusé y devantada mientres os sieglos XIX y XX, que ye la ilesia parroquial d'o lugar. Parroquias del Arciprestazgo Erla-Uncastillo en o sitio web d'a Diocesi de Chaca. Ermita de Nuestra Sinyora de Serún, una ermita en estilo romanico.
Referencias
Categoría:Lugars de Sos d'o Rei Catolico Categoría:Lugars d'a provincia de Zaragoza Categoría:Entidaz locals menors d'Aragón Categoría:Localidaz d'a diocesi de Chaca en Cinco Villas