Os afxars son un grupo etnico d'uns 500.000 individuos present principalment en a provincia de Kermán (sud d'Irán) y en a rechión meridional d'os monts Zagros (entre Shizaz y Hamadan), con chicotas comunidaz en Turquía y Afganistán amán de Cabul. Charran una luenga turquica d'a branca oguz. Son musulmans chiitas.
Modo de vida tradicional Gosan estar pastors transhumants u seminomadas de grans distancias. Crían uellamen y vacumen. Tamién bi ha agricultors.
Luenga A luenga d'os afxars ye muito parexita a l'azerín. Como luenga escrita fan servir o persa.
Historia Son mencionatos dende o sieglo XI, y han tenito un important papel en a historia militar y administrativa d'Irán. Os afxars prenioron importancia politica en a Persia Safavida como una d'as siet tribus d'una confederación dita Kizil Bax, base d'o poder militar d'a dinastía Safavida. En periodos posteriors encara teneban importancia y Nadir, o celebre xah de Persia d'o sieglo XVIII, yera un afxar.
Bibliografía Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.
Categoría:Pueblos turquicos Categoría:Etnias d'Irán Categoría:Etnias de Turquía Categoría:Etnias d'Afganistán