Parque Goya ye un barrio d'a ciudat de Zaragoza situato en o districto d'Actur-Rei Ferrando. Naixió en l'anyo 2000, formato por viviendas de protección oficial promovitas por o Gubierno d'Aragón.
Localización Iste barrio de Zaragoza ye situato a lo norte d'a ciudat y se troba dividito en dos partis por l'autovía de Uesca (A-23). Istas dos partis son popularment conoixitas como Parque Goya 1 y Parque Goya 2. Se puet acceder a lo barrio por dita carretera, por os barrios de l'Actur y o Picarral y por o Vial Norte que une l'A-23 con a Expo 2008 de Zaragoza
Población Ye un barrio choven que ha creixito muito. En o padrón de l'1 de chinero de 2008 yeran ya 6.785 vecins, estando d'istos 1.486 menors de 18 anyos y 5.343 menors de 40 anyos, cifras que amustran como o nuclio fuerte de vecins ye formato por población choven, prencipal demandant de pisos de BPO.
Infraestructuras As dos partis d'o barrio son composatas tanto por edificios de pisos como por grupos de viviendas unifamiliars.
Tien tres linias permanents d'autobuses, C2, 29 y 35.
Amás tien un gran recurso de parques y chardins, habendo-ie dos grans parques y dos plazas con amplas zonas verdas y de chuegos ta ninos.
Actualment bi ha dos asociacions de barrio. Isto se debe a la división d'o barrio en dos. Una d'istas asociacions tiene ambito global, pero l'atra nomás representa a los vecins d'a segunda fase d'o barrio.
Respective a l'amostranza, bi ha dos colechios, un en cada fase d'o barrio, un instituto en construcción y una ludoteca. Amás se ye construindo un centro de salut y en a primera fase d'o barrio se trobará la seu central d'os Archivos d'Aragón, encara que no han prencipiato as obras.
Codigos postals Bi ha dos codigos postals en o barrio: 50.015 ta la primera fase y 50.018 ta la segunda.
Vinclos externos Asociación de Vecins Parque Goya Barrio Parque Goya
Categoría:Barrios de Zaragoza