As pinacias (nombre cientifico Pinaceae) son una familia mes numerosa d'as coniferas y ye representata por 10 cheneros y 250 especies, cuasi totas de l'hemisferio norte. Cheneros representatos en a Peninsula Iberica son son Pinus y Abies.
As fuellas son aciculars, disposatas en espiral sobre o tallo u agrupatas en fasciclos sobre braquiblastos. A mayor parte d'os cheneros son de fuella perén, de fueras de Larix y Pseudolarix que son de fuella cayediza.
As escatas d'o cono se disponen en espiral, as bractias y escatas ovuliferas son bien diferenciatas. Os androstrobilos son relativament grans, elipticos y compactos, tienen os esporofilos disposatos en espiral y provistos de dos antrosporanchios situatos en a superficie abaxial. Os grans de polen son prencipalment vesiculatos (de fueras de Larix y Pseudotsuga). Os chinostrobilos tienen bractias en espiral y escatas ovuliferas mes u menos deseparatas. Bi ha dos ovulos invertitos sobre a superficie adaxial d'a escata. Os chinostrobilos lignificatos son pendulos en toz os cheneros de fueras de Cedrus, Abies, Larix y Keteleeria.
Bibliografía R.F.Scagel et al.- "El reino vegetal. Los grupos de plantas y sus relaciones evolutivas". Editorial Omega.
*