O buixorteroCon as variants bixartero, bixardero, bixordero, boixadero, buixartero, buixonero. u buixardero VIDALLER TRICAS, Rafael; O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. Tamién en femenín buixardera. ( (L., 1758)) ye una especie d'árbol de fuella caduca en o chenero Sorbus, d'a familia Rosaceae. Tamién se conoix como cerollera bordeCon a variant azarollera borde., cerollera montesina, potrimallero u abesurtCon a variant besurt.
Ye una especie de mida meyana (no gosa pasar t'alto d'os 15 metros), que se troba en puestos humidos de tot Europa, dende las landas d'Islandia y Escandinavia dica la Mediterrania, arribando enta Siberia per l'este.
As fuellas son composatas, imparipinnatas (numer impar de foliolos) con d'entre 9 y 15 foliolos que tienen as laderas aserratas y fan dica 9 cm de lonchitut. Fa la florata en primavera, y os fruitos (ditos «cerollas» como muitos altros de pareixitos) fan d'entre 4 y 8 mm de diametro. Brostan en carrazos de muitos lulos chuntos, que mientres se guadan alto en l'árbol s'envistan de luent per a color tan roya que gosan tener. A crosta ye mes clara de color que no en altras especies d'o suyo chenero, y se pareix relativament en a d'as cereseras domesticas.
Fitonimia En muitos lugars de Ribagorza se i documenta tamién o nombre «bixortera/o», en Sobrarbe oriental (val d'a Cinca y afluents) se i conoix como «pixortera», BLAS GABARDA, Fernando et ROMANOS HERNANDO, Fernando; Diccionario Aragonés: Chistabín-Castellano. Gara d'Edizions. Zaragoza, 2008. y «bixordera/o» en l'alta val de l'Ara (se veiga la curiosa equivalencia d'entre estas dos, la una estando la versión conservadera con as consonants oclusivas xordas intervocalicas que l'altra sonoriza). Ixa zaguera, a demés, pareix que troba la suya equivalenza en as parlas de mes ta ponient en as formas «buxardera/o» y relativas que se sienten per l'Alto Aragón occidental, que poderían estar un tremescluz d'a primera con o termino «buxo», que define una altra especie vechetal de tot diferent. En ansotano se documenta aliquera Miguel Ánchel Barcos, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 167...
Existe tamién, como con toz os eixemplars de serberas, una denominación popular como «cerollera borde», que ye cheneral en tot lo territorio.
Imáchens
Notas
Referencias
aucuparia Categoría:Árbols presents en Aragón Categoría:Taxons nombraus por Carl Linnaeus Categoría:Flora d'Europa Categoría:Flora d'os Pireneus