Andrés Montes (Madrit, 1956 - Madrit, 16 d'octubre de 2009) estió un periodista y locutor esportivo espanyol.
De pai gallego y mai cubana, realizó retransmisions esportivas (mas que mas de basketbol y fútbol) dende 1980, treballando ta a COPE, Radio Cadena Española, Radio Marca u Antena 3 Radio con José María García. Dende 1996 narró, chunto con Antonio Daimiel y Santiago Segurola as retransmisions d'a NBA en Espanya en Canal +. Calvo, Yeray: El comentarista Andrés Montes deja La Sexta, Publico.es, 21 de setiembre 2009.
En abril de 2006 anunció que fichaba por La Sexta, a on que se le encargarban os comentarios d'a Copa d'o Mundo de fútbol 2006, chunto a o ex-futbolista Julio Salinas y Antonio Esteva. Tamién comentó o Mundial de basketbol de Chapón 2006, chunto con os ex-chugadors Juan Manuel López Iturriaga y Juan Domingo de la Cruz. O verano de 2007 retransmitió o Eurobasket, chunto a os ex-chugadors Iturriaga y Epi.
Fue conoixito por o suyo estilo desenfadato y chocante, con que miraba constantment distingir-se. Un d'os suyos recursos ta ixo estió un argot especifico a base de falcas. Por eixemplo, mientres a Copa d'o Mundo de fútbol 2006 repitió a-saber-lo a frase "¡Porque la vida puede ser maravillosa!". Bellas d'as suyas frases mas conoixitas estioron: "¿Dónde están las llaves, Salinas?", "¡Fútbol, pasión de multitudes!", "¡Fútbol con fatatas!", "Tiqui-taca Salinas!", "¿Qué me cuentas capitán Narváez?" , "¡Tiburónnnnnn!", "¡Que vienen los sioux!", "¡Jugón!", "¡Wilma, ábreme la puerta!", y "¡Ratatatatatatata!". Unatro rasgo caracteristico ta trucar l'atención estió a corvata de lacet que gosaba levar y as gafas suyizas, asinas como a suya capeza rasurata.
En anyo 2004 fació parti como actor en a pelicula "Isi/Disi. Amor a lo bestia" en un chicot papel como entrenador de basketbol.
Entre 2006 y 2009 retransmitió partius d'a Liga espanyola de fútbol y d'a selección espanyola de basketbol en a cadena la Sexta, y en verano de 2008 retransmitió en a mesma canal un programa de wrestling dito Power Catch. C. Rizzo: La moda del Wrestling contagia a La Sexta, 20minutos.es, 18 de chulio 2008.
O 20 de setiembre de 2009 anunció en zaguerías d'o Eurobasket que deixaba laSexta.
O 16 d'octubre de 2009, a suya parella trobó o cuerpo sin de vida d'o comentarista esportivo en o suyo domicilio de Madrit. El comentarista Andrés Montes apareix mort al seu domicili, ElPeriódico.cat, 17 d'octubre 2009.
O 27 d'abril de 2010 se li concede a Reyal Orden d'o Merito Esportivo por a suya difusión y promoción d'o esporte. El CSD concede la Real Orden al Mérito Deportivo a Andrés Montes.
Referencias
Categoría:Muertos en Madrit Categoría:Naixius de Madrit Categoría:Periodistas d'Espanya Categoría:Periodistas esportivos d'Espanya Categoría:1956 (naixencias) Categoría:2009 (muertes)