O Estau de Quintana Roo ye uno d'os 31 estaus que fan parte de Mexico, estando situada la suya capital en a ciudat de Chetumal, encara que la ciudat con mayor numero d'habitants d'o estau ye Cancún. En fan parte 10 municipios. O suyo nombre ye en a honor d'o politico, escritor y poeta Andrés Quintana Roo. A suya luenga propia ye lo maya, que dende 1993 ye reconoixiu como luenga nacional de Mexico.
A suya población ye d'1.290.393 habitants en una superficie de 50.212 km², con una densidat de población de 22,60 hab/km².
Ye uno d'os estaus mas chóvens d'o país, no plegando en a condición d'estau de Mexico que dica l'8 d'octubre de 1974. Por a suya situación a lo canto d'a mar Caribe y por os suyos importants repuis mayas, s'ha convertiu en un important puesto de destín turistico.
Historia
Encara que la Historia de Quintana Roo no prencipia oficialment que dica 1902, cuan s'establió lo Territorio Federal de Quintana Roo, o suyo territorio sí que tien una prou ampla Historia anterior a ixa declaración, relacionada con a presencia en o territorio d'os mayas y con a posterior conquiesta espanyola d'o territorio.
Cheografía
L'estau de Quintana Roo se troba situau a lo sud-ueste d'o país, en a peninsula de Yucatán. O suyo territorio muga a lo norte con o golfo de Mexico; a l'este con a mar Caribe; a lo sud con o río Hondo, Belize y Guatemala; a l'ueste con Campeche; y a lo nord-ueste con o estau de Yucatán.
Yucatán golfo de Mexico Campeche 85px|Quintana Roo mar Caribe río Hondo, Belize y Guatemala left|thumb|250px|Mapa municipal de Quintana Roo. En fan parte 10 municipios: Othón P. Blanco (con capital en Chetumal, que tamién ye la capital estatal), Benito Juárez (con capital en Cancún), Solidaridad (con capital en Playa del Carmen), Felipe Carrillo Puerto (con capital en Felipe Carrillo Puerto), Lázaro Cárdenas (con capital en Kantunilkín), Cozumel, José María Morelos, Isla Mujeres, Tulum (con capital en Tulum) y Bacalar. miniaturadeimagen|Quintana Roo.
Vinclos externos
Pachina web oficial d'o Gubierno d'o estau de Quintana Roo.
*