A parla berciana u bercián ye a parla d'o conchunto astur-leyonés que se charra en O Bierzo oriental, en contacto cheografico con o gallego d'O Bierzo occidental.
Seguntes clasificacions y mapas d'o dominio lingüistico astur-leyonés o leyonés que se charra en La Cabreira (cabreirés), faría part d'o bercián u sería una parla diferent pero afín adintro de l'astur-leyonés occidental.
Fonetica Conserva o fonema prepalatal fricativo xordo /x/ provinient d'as silabas latinas GE, GI, IA, IO, IU: xuan, xudío, baxu, rexidor, xugo. Os grupos –LY-, -C’L-, -T’L-, y –G-L- evolucionan ta y: muyer ("muller"), fiyu ("fillo"), ureya ("orella"), estropayu. O grupo latino –KT- evoluciona ta –ch- como en asturiano central.
Bibliografía Rafael Lapesa. Historia de la lengua española. Editorial Gredos. (1981). Alonso Zamora Vicente: Dialectología española. Editorial Gredos, segunda edición, 1989. El gallego-leonés de Ancares y su interés para la dialectología portuguesa''. Dámaso Alonso y García Yebra. L'Asturianu n'El Bierzu. Apropósitu del ALBI,Ana Mª Cano en "Lletres Asturianes" Boletín Oficial de la ALLA. La Fala de Palacios de Sil, Roberto González-Quevedo; Academia de la Llingua Asturiana. ''Aspeutos fónicos na fala de Forniella"; Héctor García Xil en Lletres Asturianes, Alla. ''Cruce de dialectos en el habla de San Pedro de Olleros",Alfredo Álvarez Díaz en "Lletres Asturianes".
Categoría:Parlas leyonesas