right|thumb|250px|Arnas modernas. right|thumb|250px|Escultura d'un apicultor con as arnas, obra de Claus Homfeld. L'apicultura ye l'arte y ciencia d'a cría d'abellas d'a especie Apis mellifera, ta recullir a miel feita por istos insectos d'as brescas d'as arnas a on istos a depositan. Ye asinas una branca d'a ganadería, en estar a cría d'un animal, y cal que l'apicultor pare cuenta de no recullir pas toda a miel, sino que cal deixar-lis a las abellas a miel que lis cal ta sobrevivir d'hibierno, cuan que as flors no fan néctar, que ye a fuent d'a miel.
Unatro producto que se reculle de l'apicultura ye a cera, que d'antis mas teneba muita importancia, en estar as velas as solas fuents de luz mientres a nueit.
Terminolochía tradicional de l'apicultura en aragonés Os que producen miel practicando l'apicultura en un lugar costituyen un ligallo local igual que os pastors. As larvas d'abella se crían cadaguna en a suya cela.
Apicultura en Aragón En Aragón bi ha tres tipos tradicionals d'arnas: En l'Alto Aragón bi ha arnas en disposición horizontal u chacients. En Moncayo y Sistema Iberico bi ha costruccions clamatas armarios. En a val d'Ebro y Teruel bi ha vasos.
Entre as miels monoflorals destacan a miel de romero y a miel de tremonciello.
Uno d'os libros d'apicultura viellos mes celebres s'editó en Zaragoza en o sieglo XVII. O suyo títol ye Perfecta y curiosa declaración de los provechos grandes que dan las colmenas, y alabanza de las abejas. L'autor ye o magallonero Jaime Gil y ye considerau como o gran referent de l'apicultura tradicional en Espanya.
Referencias
Vinclos externos
*