O Chinebral de Gamueta ye una montanya pirenenca que se troba situata en a val d'Ansó, en os Pireneus d'Aragón, a 2.329 metros d'altaria sobre o livel d'a mar.
Tamién se situgan en o mesmo circo as siguients tucas: Foya de Gamueta (2.308 m), Foya de Gamueta Sud (2.296 m), Gorreta d'os Gabachos Norte (2.270 m), Gorreta d'os Gavachos (2.272 m, tuca que a vegatas tanto ansotanos como roncaleses entivocan con o Chinebral de Gamueta por estar prou amanatas l'una de l'atra), Mallo Gorreta (2.266 m), Anzotiello (2.214 m) y Mallo Paco Gamueta (1.994 m).
Toponimia O toponimo Gamueta podría derivar d'o basco gamo u ganbo y iste a la vegada de l'occitán biarnés camou con o significau de "campo amanau a una fuent u vía d'augua". Se troban atros toponimos relacionaus con iste por o Pireneu, como camón en Ansó y a val d'Echo, cambón en Aragüés de lo Puerto y Lascun u cambot en Leres, Issòr, Hiars, Borza y Sarraltzune (barrio bascofono de Lana en Varetons). En Larra, lugar d'Isaba, se troba o toponimo Camalonga, relacionau con o toponimo aragonés Camón Luengo, en a muga entre Ansó y Echo. "Las relaciones históricas entre los valles de Ansó (Aragón) y Roncal (Navarra) y su reflejo en la lengua y en la toponimia. Juan Karlos Lopez-Mugartza Iriarte, Universidad Pública de Navarra
Puntos de salita Linza (3 horas). Barranco de Gamueta (3 h. y 3 min).
Referencias
Vinclos externos Información de Chinebral de Gamueta en "Mendikat"
Categoría:Montanyas d'as sierras interiors pirenencas Categoría:Montanyas d'o Prepireneu aragonés Categoría:Montanyas d'a provincia de Uesca Categoría:Montanyas d'o Parque Natural d'as Vals Occidentals Categoría:Montanyas d'Ansó Categoría:Montanyas d'a Chacetania