La sierra de Bicort ye una sierra de la branca aragonesa Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995. p 141. de lo Sistema Iberico que se troba en la Comunidat de Calatayú y tien dos monts principals (Pico d'el Rayo y La Nevera). Ye despartida de la Sierra d'Algairén por una fuesa tectonica.
Lugars que son en la sierra de Bicort u la suya redolada son Sediles, Tobet, El Fraixno, Paracuellos de la Ribera, Santa Cruz de Griu y Vivel de Bicort.
Lo río Griu desaugua parte de la sierra de Bicort.
Toponimia L'oronimo sierra de Bicort (popularment La Bicora Eduardo Viñuales Cobos: Red Natural de Aragón. Comunidad de Calatayud nº 17. Gubierno d'Aragón, Sodemasa, Prames, 2007, p 99.), s'ha quiesto interpretar de dos hipotesis toponimicas.
D'acuerdo con la primera hipotesi s'interpreta que prene lo nombre dende lo celtibero u dende lo latín por los dos monts principals que pareixen dos cuernos: bi ("dos") cornu ("cuerno"). Por lo menos actualment la -t final de Bicort no se pronuncia, y se siente Bicor. Lo resultau de lo grupo consonantico latín -RN- como -rt- no ye estranio en aragonés, trobando-se en benasqués: hibert ("hibierno"), fort ("forno").
Un atra hipotesi lo fa venir d'una evolución romanz Pui Corto a partir d'una forma latina PODIUM CURTUM ("pueyo tallau"), como la pedanía d'Elche de la Sierra dita Vicorto Pascual Miguel Ballestín: Toponimia mayor de Aragón. Ciudades, villas, lugares, aldeas, ríos, montañas y territorios. Gara d'Edizions, 2015, ISBN 9788480940702., que en las fuents medievals s'escribiba Bueycorto (1243), Boycorto (1273) y Buecuerto (1274) Robert Pocklington: Toponimia ibérica, latina y árabe de la provincia de Albacete. Revista de estudios albacetenses, nº 55, 2010, pp 142-143.. Esta segunda hipotesi troba refirme en las diferents variants medievals de Vivel de Bicort como de Buicort u Bicorto.
Referencias
Bibliografía J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194. Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
* Bicort