O bisont europeu ( (L., 1758)) ye a especie europea de bisont. Plegó a extinguir-se en estato salvache pero a partir d'eixemplars en catividat que proveniban de Polonia y o Caucas lo reintroducioron primero en o Parque Nacional de Białowieża (Polonia) y dimpués en cualques parques nacionals d'Europa centro-oriental.

S'interpreta que nunca no ha estato present en o cabo occidental d'o continent europeu ARRIBAS, Óscar. Fauna y paisaje en los Pirineos en la Era Glaciar. Lynx Ediciones. y que arribó en Europa en o Würm IV dende Norteamerica, (ye muit pareixito a Bison bison). Os primers bisonts europeus modernos ocupaban medios ubiertos, por eixemplo en Dinamarca os primers modernos amanixen en o Dryas primerenco y Preboreal (enta 9950 anyos BP) en una tundra con selvetas que cuan se zarroron pa cutio facioron que desapareixesen os bisonts. As citas de Chulio César en Alemanya y Belchica y Fortunatus en a Galia son dubdosas (podrían referir-se en realidat a Bos primigenius, pero sindembargo parlan de grans rabanyos en migración, como fan actualment os bisonts americanos.

O bisont europeu desapareixió de Suiza en o sieglo VIII, de Francia enta o sieglo X, de Rumanía en 1762, d'os países balticos en 1755, d'Alemanya en 1893, en 1919-1921 de Polonia (selva d'a Białowieża), y en 1919-1925 d'o Caucaso.

O 25 d'agosto de 1923 fue fundata a Sociedat Internacional pa a Preservación d'o Bisont, y gracias a la suya labor estió posible a reintroducción d'a especie en o medio natural. A seu d'esta sociedat estió en realidat o zoo de Frankfurt, on trayoron eixemplars de zoolochicos y coleccions privatas sin distinción de subspecies, y tamién d'a reserva de Schorfheide (a lo nor-nord-este de Berlín), agafatos en 1934 gracias a o intrés que despertó en Hermann Göring, que yera chefe d'as organizacions nacionals alemanas de caza. En ixe inte o numero de bisonts yera por o menos de 56. En l'anyo 2004 nomás en Polonia bi heba mes de 600 eixemplars. El Rey mató al "rey de la pradera".

En l'anyo 2004 se publicó en os medios de comunicación que o rei d'Espanya Juan Carlos I mató un bisont en o refuchio de Czerwony Dwor en Polonia, estando prohibita a caza d'o bisont, pagando a cantidat de 7.000 euros.

Zoonimia

En a "la Flor de las Ystorias d'Orient" parlan de bufles en l'aria d'a Mar Caspia y o Caucas, podrían estar tanto o Bison bonasus como Bubalus bubalis:

Ye dubdoso si parlan de bisonts en o Libro d'el Trasoro u si se refieren a los uros:

En a "Cronica de los Conquiridors" escriben bisont y en plural bisontes u bisontos:

Se veiga tamién Bison priscus. Bison bison. Bos primigenius.

Referencias

Vinclos externos

Bonasus Categoría:Fauna d'Europa Categoría:Taxons nombraus por Carl Linnaeus