Claire Trevor, naixida de Nueva York (Nueva York) o 8 de marzo de 1910 y muerta en Newport Beach (California) o 8 d'abril de 2000, estió una actriz estausunidense, activa en o cine estausunidense dende meyaus d'os anyos 1930 dica zaguerías d'os anyos 1980, con cuantos premios recibius mientres a suya carrera cinematografica. Yera conoixida como a reina d'o cine negro, en apareixer a ormino en cintas d'ixe chenero cinematografico interprentando papels de dolenta.
D'entre la suya filmografía, se puet mencionar as suyas interpretacions en bellas cintas como Dante's Inferno (1935, Harry Lachman), Dead End (1937, William Wyler), Stagecoach (1939, John Ford), Crossroads (1942, Jack Conway), Johnny Angel (1945, Edwin L. Marin), Key Largo (1948, John Huston), The High and the Mighty (1954, William A. Wellman), u Two Weeks in Another Town (1962, Vincente Minnelli).
Premios En 1948, l'actriz Claire Trevor recibió lo Premio Oscar a la Millor Actriz Segundaria de l'Academia d'as Artes y as Ciencias Cinematograficas de Hollywood por o suyo papel de Gaye Dawn en Key Largo, una cinta dirichida por John Huston. Tamién estió nominada a lo mesmo premio en l'anyo 1937 por a suya interpretación en a cinta Dead Endy y en 1954 por a suya interpretación en a cinta The High and the Mighty.
Se veiga tamién Cintas interpretadas por Claire Trevor.
Vinclos externos
Claire Trevor en IMDb. Claire Trevor en Internet Broadway Database.
Categoría:Actrices d'Estaus Unius Categoría:Muertos en Newport Beach Categoría:Naixius de Nueva York Categoría:Premio Oscar a la Millor Actriz Segundaria Categoría:1910 (naixencias) Categoría:2000 (muertes)