A palabra babieca reendreza enta iste articlo. Ta atros usos se veiga Babieca (desambigación). thumb|right|300px|Babieca d'a especie Tyto alba. As babiecasCon a variant babioca u babiacasCon a variant fabiaca en a zona pirenenca, como en atras zonas cholibas BLASCO ZUMETA, Javier, Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009. , p.35Con as variants olipa y oliba, son os nombres comuns que reciben en aragonés as aus rapinyaderas nocturnas medianas (de la mida d'un torcazo, aproximadament), con uellos negros y diferents colors de plumache, de regular claras, que habitan y nidifican a sobén en as construccions humanas como falsas y pallers. As aus que mas a sobén reciben istas denominacions son as especies d'o chenero Tyto, miembros d'a familia Tytonidae.
As babiecas emiten un tulido agudo, con timbre metalico, que ye caracteristico y diferenciau d'os reclamos que tienen atras rapinyaires nocturnas. Como animals nocturnos, se siente ixe tulido mas a sobén que se vei a l'au, y en chunto con l'aspecto pantasmal que pueden aparentar, en especial con puca luz por estar de colors claras y blancas, as babiecas s'han feito un puesto especial en o imachinario popular, asociando-se no pocas vegadas con o fusco-musco, supersticions relacionadas con a muerte, u s'ha plegau a considerar-las creaturas cuasi mensacheras entre o mundo d'os muertos y o d'os vivos. Todas as creyencias relacionadas con istes animals careixen de fundamento y son supersticiosas.
Nombres comuns
En l'Alto Aragón y en cheneral en o dominio lingüistico de l'aragonés istes animals reciben diferents nombres:
Babiecas
En a Chacetania, BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. l'Alto Galligo y especialment en Sobrarbe y l'Alta Ribagorza aragonesoparlant se documenta formas relacionadas con a palabra babieca. VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza, 2004. . Formas variants d'ista palabra son babiaca, documentada en a val de Vió QUINTANA i FONT, Artur, El Aragonés nuclear de Nerín y Sercué (Valle de Vio); Gara d'Edizions. Zaragoza, 2007. y a de Chistau, BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. babueca, y fabieca que se documenta en a val de Benás. BALLARÍN CORNEL, Ángel, Diccionario del benasqués; Zaragoza, 1978. Consultable en linia a traviés de Diccionario del benasqués. Consultato lo 9 d'agosto de 2018
D'alcuerdo con Brian Mott, a orichen etimolochica d'o zoonimo babieca ye una onomatopeya. MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000.
Cholibas
A palabra choliba se documenta en una francha de territorio que va dende Rodellar, en a cantonada mas occidental d'o Semontano de Balbastro dica Monesma y Caixigar, en a baixa Ribagorza.
A etimolochía mas acceptada d'ista palabra ye una radiz chermanica, <*ŭwwĭlô, que significaría lo mesmo. Alcover, Antoni M. Moll, Francesc de B. «òliba» en o Diccionari català-valencià-balear. Palma: Moll. 1930-1962. ISBN 8427300255
Notas
Referencias
Categoría:Zoonimia Categoría:Strigiformes