Erich Fromm, naixito de Frankfurt d'o Main (Imperio Alemán, hue Hesse, Alemanya) o 23 de marzo de 1900 y muerto en Locarno (Cantón d'o Tesino, Suiza) o 18 de marzo de 1980, estió un psicoanalista estausunidense d'orichen chudieu alemán. Fació os suyos estudios en a Universidat de Heidelberg y en a Universidat de Múnich, rematando-los en o Instituto de Psicoanalís de Berlín, y estió con Theodor W. Adorno y Herbert Marcuse uno d'os prencipals representants d'a dita Escuela de Frankfurt mientres a Republica de Weimar, fendo o desarrollo d'as tesis de Sigmund Freud.
En 1934, cuan puyó a o poder Adolf Hitler y s'establiban las bases d'o Tercer Reich con a suya politica antisemita, Fromm (que yera d'orichen chudieu) albandonó o suyo país, establindo-se en Estaus Unius, adoptando dimpués a nacionalidat d'o suyo país d'acullita. En Estaus Unius estió profesor en o Bennington College, en a Universidat de Columbia, en a Universidat de Michigan y en a Universidat de Yale.
Vinclos externos
Categoría:Muertos en Locarno Categoría:Naixius de Frankfurt d'o Main Categoría:Psicoanalistas d'Alemanya Categoría:Psicoanalistas d'Estaus Unius Categoría:1900 (naixencias) Categoría:1980 (muertes)