Chil de Roma u Echidio Román (Roma, Estaus Pontificios, 1243-1316) estió un filosofo, teologo y cardenal medieval italiano especializato en lochica. Ligato a la hierarquía eclesiastica y a la cort (pus yera tutor de Felipe IV de Francia), a suya reputación estió a-saber-lo de gran encara vivindo él, tanto por os suyos escritos como por o suyo papel debant d'a Orden de Sant Agostín.
Chil de Roma estudió en París y recibió amostranzas dreitament dende Sant Tomás d'Aquino. Destacó como mayestro de teolochía y como comentarista d'Aristótil. Dentro d'a Orden de Sant Agostín yera en a Orden de Chuan Bon, mendicant dende 1256. As doctrinas de Chil de Roma son d'orichen aristotelico-tomista, pero influitas por Proclo y Sant Agostín d'Hipona, orichinoron a escuela echidiana. Chil de Roma polemizó con Henrique de Gant y a teoría d'a pluralidat d'as formas.
Obra As suyas obras mes relevants son De erroribus philosophorum, De regimine principum y De ecclesiastica sive summi pontificis potestate. Aleix de Barcelona fació unas glosas d'a obra De regimine principium, con una traducción a la scripta medieval aragonesa residual d'a segunda metat d'o sieglo XV, ya en camín de converchencia con o castellano escrito.
Bibliografía Jukka Kiviharju Las glosas del mestre Aleix de Barcelona del DE REGIMINE PRINCIPIUM de Egidio Romano y su versión navarroaragonesa. Suomalainen Tiedeakatemia. Helsinki 1995.
Vinclos externos Chil de Roma en Symploké Chil de Roma en a revista Aquinate
Categoría:Arcebispes de Burch Categoría:Filosofos d'Italia Categoría:Teologos d'Italia Categoría:Arcebispes d'Italia Categoría:Cardenals d'Italia Categoría:Naixius de Roma Categoría:1243 (naixencias) Categoría:1316 (muertes)