Clint Eastwood (nombre artistico de Clinton Elias Eastwood, Jr.), naixiu de San Francisco (California) o 31 de mayo de 1930, ye un actor, director cinematografico, productor y compositor estausunidense con cuantos premios recibius mientres a suya carrera cinematografica y con cuantas cintas destacadas en o cine estausunidense y en o cine europeu, a on estió uno d'os millors representants d'o dito spaghetti western. Tamién ha estau compositor de bellas bandas sonoras orichinals ta bellas cintas.
D'entre as suyas cintas, cal destacar Per un pugno di dollari (Sergio Leone, 1965), Per qualche dollaro in più (Sergio Leone, 1965), Il buono, il brutto, il cattivo (Sergio Leone, 1966), Kelly's Heroes (Brian G. Hutton, 1970), Dirty Harry (Don Siegel, 1971), The Bridges of Madison County (Clint Eastwood, 1995), Flags of Our Fathers (Clint Eastwood, 2006) u Letters from Iwo Jima (Clint Eastwood, 2006).
Premios L'actor Clint Eastwood fue premiau con o Premio Irving G. Thalberg en l'anyo 1994 por as suyas importants contribucions ta o cine como productor, dos vegadas con o Premio Oscar a o Millor Director en 1992 por Unforgiven y en 2004 por Million Dollar Baby, tamién fue nominau ta lo mesmo premio dos vegadas, en 2003 por Mystic River y en 2006 por Letters from Iwo Jima. Nominau en 1992 a l'Oscar a o Millor Actor por o suyo papel en a cinta Unforgiven, dirichida por él o mesmo.
Se veiga tamién Cintas con banda sonora orichinal de Clint Eastwood. Cintas dirichidas por Clint Eastwood. Cintas interpretadas por Clint Eastwood. Cintas producidas por Clint Eastwood.
Vinclos externos
Clint Eastwood en Internet Movie Database.
Categoría:Actors d'Estaus Unius Categoría:Compositors d'Estaus Unius Categoría:Compositors de bandas sonoras d'Estaus Unius Categoría:Directors cinematograficos d'Estaus Unius Categoría:Productors cinematograficos d'Estaus Unius Categoría:Naixius de San Francisco Categoría:Nominau a o Premio Oscar a o Millor Actor Categoría:1930 (naixencias)