Emilio Gastón Sanz (Zaragoza, 8 de chinero de 1935 - Zaragoza, 22 de chinero de 2018) estió un avogato, politico, filosofo, poeta y escultor aragonés. Fundador de l'Alianza Socialista d'Aragón en 1974 y d'o PSA (Partido Socialista de Aragón), estió deputato en o Congreso dimpués d'as eleccions chenerals espanyolas de 1977 dica 1979 en coalición con o Partido Socialista Popular d'Enrique Tierno Galván, y estió portavoz d'o Grupo Mixto. Dimpués d'a integración de gran parti d'a militancia d'o PSA en o PSOE, Gastón continó encabezando o partiu, pero sin tornar a aconseguir acta de deputato. Posteriorment ocupó o cargo de Chusticia d'Aragón entre 1988 y 1993, o primero dimpués d'a restauración d'a democracia en Espanya.
En a suya faceta como escritor cal destacar os suyos poemarios y que estió cofundador, miembro y escritor en a revista Andalán, mientres a suya durada, tamién estió un d'os que empentoron a retornada d'ista revista pero en formato dichital.
Tamién cal destacar que fue fundador y redactor d'os estatutos d'APUDEPA (Acción Publica pa la Defensa d'o Patrimonio Aragonés) y a Coordinadora de Afectados por Grandes Embalses y Trasvases (COAGRET), yera un gran impulsor d'o esperanto, como a suya familia, su agüelo Emilio Gastón Ugarte, su pai Rafael Gastón Burillo y as suyas tías Inés Gastón Burillo y Emilia Gastón Burillo fuoron impulsors y usuarios d'iste idioma.
Poemarios 1958: El hombre amigo Mundo. 1976: Y como mejor proceda digo. 1978: Pronunciamiento. 1981: Abandonado en el ensueño como único vehículo de confianza. 1988: Musas enloquecidas (Prensas Universitarias de Zaragoza). 1987: El despertar del hombre selva (Endymion). 1990: Emilio Gastón. Antología épica (Amelia Romero ed.). 1995: Manifiestos (Huerga y Fierro). 2007: Acracia feliz (La Torre degli Arabeschi). 2007: La Subordania: epopeya chesa sin d'acabanza (Rolde de Estudios Aragoneses).
Vinclos externos Articlo d'Emilio Gastón Sanz en a Gran Enciclopedia Aragonesa''.
<center>
Categoría:Chusticias d'Aragón Categoría:1935 (naixencias) Categoría:2018 (muertes) Categoría:Naixius de Zaragoza Categoría:Escritors d'Aragón Categoría:Poetas d'Aragón Categoría:Politicos d'o Partido de los Socialistas de Aragón Categoría:Politicos d'o Partido Socialista de Aragón Categoría:Deputaus en o Congreso d'os Deputaus por a provincia de Zaragoza Categoría:Deputaus d'a Lechislatura Constituyent d'o Congreso d'os Deputaus Categoría:Galardonaus con a Medalla d'as Corz d'Aragón Categoría:Escritors en aragonés Categoría:Escritors en castellano Categoría:Politicos d'Aragón Categoría:Avogaus d'Aragón Categoría:Escultors d'Aragón Categoría:Esperantistas