thumb|Caballo griego de bronce thumb|Armadura romana de bronce thumb|Armas d'a Edat de Bronce O bronce ye cualsiquiera d'as diferents aliacions composatas mas que mas por arambre y estanyo. Ni os bronces modernos ni os antigos contienen nomas istos dos metals. O bronce ye mas resistent y cerenyo que cualsiquier atra aliación común, excepto l'acero, a o que supera en resistencia a la corrosión y facilidat de lubricación. Por iste motivo suposó un important abance tecnolochico que dió nombre a la Edat de Bronce.
O bronce se conoixe dende l'antigüidat. Os griegos y os romanos adhibioron zinc, plumo y archent a las aliacions de bronce ta emplegar-los en ainas, armas, monedas y obchectos d'arte.
O zinc, o plumo y atros metals se troban ocasionalment en o bronce que actualment se fabrica. As propiedaz d'o bronce varian seguntes os suyos components. Asinas, cuan contiene a o menos un 10% d'estanyo, l'aliación ye cerenya y tien un punto de fusión baixo. Os nombres d'as variedaz d'o bronce provienen d'os components adicionals, como por eixemplo, o bronce d'aluminio, o bronce de manganeso, u o bronce de fosforo. O bronce moderno se fa servir en a fabricación d'instrumentos musicals.
Por eixemplo, as composicions quimicas de dos tipos de bronce de fosforo son as siguients: Bronce C521: Cu (Arambre): 91,8% Sn (Estanyo): 8% P (Fosforo): 0,2% Bronce C510: Sn (Estanyo): 5% P (Fosforo): 0,2% Cu (Arambre): 94,8%
Simbolismo A medalla de bronce simboliza o tercer clasificato en una competición esportiva. Tamién fa referencia a os 22 anyos de casatos. Os trozuelos de bronce yeran un obchecto machico que respondeba a cualsiquier pregunta, y un d'os ornamentos de qui practican endevinación. Apareixen referencias a istos tozuelos en obras como O Quixot u tractatos d'alquimia.
Se veiga tamién Edat de Bronce.
Vinclos externos
Categoría:Aliacions