A batalla de Little Bighorn estió una batalla escaicita o 25 de chunio de 1876 mientres as Guerras Indias y en a cual luitoron, d'una man, gurreros amerindios d'as tribus d'os sioux (u lakotas) y cheyennes, mandatos por Toro Posato (Sitting Bull en a historiografía en anglés), Caballo Loco (Crazy Horse) y Chefe Gall (Chief Gall); y, d'atra man, tropas d'o 7eno Rechimiento de Caballería de l'Exercito estausunidense, mandatas por o cheneral (encara que nomás yera tenient coronel) George Armstrong Custer. A batalla escaició en o río Little Bighorn, un chicot afluent d'o río Bighorn (que ye afluent d'o río Yellowstone, y o puesto ye hue protechito legalment como Little Bighorn Battlefield National Monument (Molimento Nacional d'o Campo de batalla de Little Bighorn en aragonés). left|thumb|250px|Puesto a on ye apedacato un guerrero cheyenne muerto mientres a batalla. En a batalla, as tropas estausunidenses estioron redotatas de raso, con a muerte d'una parte important d'os soldatos y mesmo d'o suyo chefe, o cheneral Custer. A batalla tenió una ampla repercusión en a opinión publica estausunidense y ixo estió l'inicio d'a mortalera de Wounded Knee, nomás 14 anyadas dimpués. Encara hue ye una batalla muit controvertita por o papel de bel uns militars estausunidenses, que gosan estar acusatos mesmo de traidoría por bels historiadors, y por o propio papel d'o cheneral Custer, que gosa estar tamién muit controvertito. Antiparte, ta os amerindios sioux y cheyennes, a batalla tien tamién una funda carga simbolica, en estar a victoria mas conoixita d'os suyos guerreros mientres as Guerras Indias.
A batalla en a cultura A batalla de Little Bighorn ha estau un feito que ha inspirau cintas de cine, videochuegos y novelas. Little Bighorn en o cine They Died with Their Boots On, 1941, con Errol Flynn y dirichita por Raoul Walsh. Custer of the West, 1967, con Robert Shaw y dirichita por Robert Siodmak. Little Big Man, 1970, con Dustin Hoffman y dirichita por Arthur Penn. Tonka, Walt Disney Productions, 1958. Dirichita por Lewis R. Foster y protagonizada por Sal Mineo.
Novelas Appel, David. Comanche: Story of America's Most Heroic Horse.
Bibliografía Kershaw, Robert. Red Sabbath: The Battle of Little Bighorn. Ian Allan Publishing, 2005. .
Vinclos externos
Categoría:Batallas d'as Guerras Indias Categoría:Batallas d'Estaus Unius Categoría:Batallas de 1876