Vitoria d'o Reino Uniu (Londres, 24 de mayo de 1819 - Isla de Wight, 22 de chinero de 1901) estió reina d'o Reino Uniu y d'Irlanda dende la muerte d'o suyo tío paterno, Guillén IV d'o Reino Uniu, lo 20 de chunio de 1837, dica la suya propia muerte lo 22 de chinero de 1901, y la primera emperatriz d'a India dende l'1 de chinero de 1877 tamién dica la suya muerte.
A reina Vitoria ye tartaragüela d'a reina Isabel II d'o Reino Uniu, d'o rei Chuan Carlos I d'Espanya y d'a suya muller a reina Sofía de Grecia, d'a reina Margalida II de Dinamarca, d'o rei Carlos XVI Gustavo de Suecia y d'o rey Harald V de Noruega. Reinó mientres cuasi 64 anyos, estando lo suyo lo reinau mas luengo d'a historia de Gran Bretanya. O reinau de Vitoria estió marcau por a gran expansión de l'Imperio Britanico. A Era Victoriana -como se denominó lo suyo reinau- se caracterizó por a Revolución industrial, un período de cambios significativos a livel social, economico y tecnolochico en o Reino Uniu; istos cambios rematoron por consolidar a lo Reino Uniu como la primera potencia d'a suya epoca.
Vitoria, que yera cuasi de tot d'ascendencia alemana (fueras d'a suya antipasada Sofía de Hannover, descendeba tamién por línia femenina de Chaime VI de Escocia y I d'Anglaterra), y estió la zaguera monarca d'a Casa de Hannover. O suyo fillo y succesor, Eduardo VII d'o Reino Uniu, ya perteneixeba a la Casa de Saxonia-Coburgo-Gotha.
Vinclos externos
Categoría:Muertos en East Cowes Categoría:Naixius de Londres Categoría:Reis d'o Reino Uniu Categoría:1819 (naixencias) Categoría:1901 (muertes)