José Luis Corral Lafuente (Daroca, Zaragoza, 13 de chulio de 1957) ye un historiador y escritor aragonés. Licenciau en Filosofía y Letras, se doctoró en Historia por a Universidat de Zaragoza, en a cual ye profesor d'Historia Medieval. A suya labor d'investigación se reculle en diferents estudios historicos, centraus prencipalment en a Edat Meya, muchos d'os cuals son referius a la suya ciudat natal u a atras tierras aragonesas.

Ha dirichiu varios programas de radio y televisión de divulgación historica y ha escrito guions para documentals, entre éls Historia de Aragón en vídeo, d'a que tamién estió o director historico, labor que mereció en 1992 a medalla d'archent en o XXXIV Festival Internacional de Vídeo y Televisión de Nueva York. Por otra parti, estió asesor historico d'a cinta 1492: Conquest of Paradise, de Ridley Scott.

En o campo d'a narrativa, ha cultivau fundamentalment a novela historica, con títols como El salón dorado (1996), El amuleto de bronce (1998) y El invierno de la Corona (1999) u El Cid (2000), entre atras.

Novelas El salón dorado (1996). El amuleto de bronce (1998). El corazón rojo (1998). El invierno de la corona (1999). El Cid (2000). Trafalgar (2001). Numancia (2003). El número de Dios (2004). ¡Independencia! (2005) El caballero del templo (2006). Fulcanelli, el dueño del secreto (2008). El rey felón (2009). El espejo griego (2009) (reedición). Los tres amigos (2009). Fátima, el enigma de las apariciones (2009). El amor y la muerte (2010). La prisionera de Roma (2011). El Codice del Peregrino (2012). El médico hereje (2013). El trono maldito (2014). Los Austrias. El vuelo del Águila (2016). Los Austrias II. El tiempo en sus manos (2017). Batallador, con Alejandro Corral (2018).

Categoría:1957 (naixencias) Categoría:Alumnos d'a Universidat de Zaragoza Categoría:Catedraticos d'a Universidat de Zaragoza Categoría:Escritors d'Aragón Categoría:Escritors en castellano Categoría:Ganadors d'o Premio d'as Letras Aragonesas Categoría:Historiadors d'Aragón Categoría:Licenciaus en Filosofía y Letras Categoría:Naixius de Daroca Categoría:Novelistas d'Aragón Categoría:Profesors universitarios d'Aragón