L'idioma petavín-santonchés se charra en Poitou, Santogne y Engolmés, fa part d'o diasistema d'as luengas d'oïl, pero a diferencia d'atras luengas d'oïl presenta substracto occitán. Como en atras luengas d'oïl sería seguntes un punto de vista un dialecto d'una luenga común francesa con una variant común representata por o francés y seguntes un atro una luenga chirmana independient d'o francés.
Orichen Por o que fa a l'ueste de Galia u Francia a muga inicial entre as luengas d'oc y as luengas d'oïl yera d'alto u baixo a Loira, reflectando que yera a zona de muga primero entre a provincia Lugdunesa y a provincia d'Aquitania, y dimpués d'a reforma de Dioclecián, a muga entre a diocesi Vienesa y a diocesi Lugdunesa. En o caso d'o romanz de l'aria atlantica entre a Loira y a desembocadura d'o Garona se produció una asimilación d'un dialecto d'oc por part d'os dialectos d'oïl; sería un caso pareixito a lo que se desvinió en La Rioja medieval, bi heba un riojano precastellano en o sieglo X que feba part d'o navarro-aragonés y dimpués se castellanizó convertindo-se en una variant medieval d'o castellano.
Curiosidaz O petavín-santonchés ha influito en as variants d'o francés que se charran en Quebec y atras parz de norteamerica.
Petavín-santonchés Petavín-santonchés