Rihonor de Castilla ye un lugar d'o municipio de Pedralba de la Pradería en a provincia de Zamora, en a comunidat autonoma de Castiella y Leyón. La suya población ye de 32 habitants. En realidat fa part d'una sola unidat con l'aldeya portuguesa de Rio de Onor, separada por a muga portuguesa.
Toponimia En leyonés ye Rueidenore u Ruidenore. L'apelativo de Castilla diferencia la mitat espanyola de la mitat portuguesa d'esta localidat. En un rechistro popular u familiar los habitadors de Ruidenore dicen povo de cima a la part espanyola y povo de abaixo a la part portuguesa.
Luengas y parlas
La luenga tradicional que se charra en Ruidenore ye l'astur-leyonés, en grau abanzau de substitución por part de lo castellano. Tamién bi ha un emplego frecuent de lo portugués. La parla local astur-leyonesa de Ruidenore se clasifica en l'astur-leyonés occidental y se situa en lo sanabrés, con caracters de parla de transición enta lo galaicoportugués como lo mirandés.
Un caracter curioso de lo leyonés de Ruidenore ye la forma como ha evolucionau lo sufixo -ĔLLU latín: con diftongación como en l'astur-leyonés cheneral -iellu pero con reducción de la cheminada latina como en lo portugués -elo: martielo, amarielo, canielo, gaviela. Alonso Zamora Vicente: Dialectología española. Editorial Gredos, segunda edición, 1989, pp 158-159.
Demografía
Referencias
Vinclos externos
Categoría:Lugars d'a provincia de Zamora