Sulechów (en alemán Züllichau) ye un lugar de Polonia, en o Voivodato de Lubusz y en o condau de Zielona Góra. Ye a seu d'a comuna (gmina) de Sulechów. A suya población ye de 16.925 habitants en 2019.
Historia A redolada de Sulechow fue conquiesta por o duque Mieszko I de Polonia y dende 1138 estió part d'o Ducau de Silesia.
A primera mención ye de 1319 cuan o Markgraf Waldemar de Ascania heba conquiesto Sulechów pa Brandenburg. Waldemar manimenos morió ixe mesmo anyo, y o lugar pasó de nuevo a mans d'o ducau de Głogów.
En 1482 o duque Jan II o Loco a la fin habió de ceder Sulechów chunto con o lugar vecín de Krosno a Brandenburg baixo o elector Albert III Achilles. Una part d'o distrito de Neumark dende 1537, Züllichau dende 1815 perteneixió a la provincia prusiana de Brandenburg. En 1945 pasó a depender de Polonia con l'aplicación de lo tractau de Potsdam, que establiba a linia Oder-Neisse.
Personalidaz naixidas de Sulechów Johann Gottfried Rösner, naixiu en 1658 y executau en 1724 como alcalde de Thorn (Toruń) como consecuencia d'o Tumulto de Thorn. Caspar Neumann, naixiu en 1683, dió datos pa la primera computación d'as tasas de mortalidad Gotthelf Samuel Steinbart (n. 1738), teologo y filosofo. Johann Gottfried Ebel (n. 1764). Minna Herzlieb, (n. 1789) fació de modelo pa "Ottilie" en "Die Wahlverwandtschaften" de Goethe. Hermann Marggraff (n. 1809). Theodor Kullak (1818–1882) pianista y compositor, fué educau en Züllichau. Rüdiger Graf von der Goltz (1865–1946), estió cheneral mientres a Primera Guerra Mundial y a Guerra d'independencia d'Estonia. Klaus-Dieter Ludwig (n. 1943). Olga Tokarczuk (n. 1962), escritor polaco. Łukasz Żygadło, (n. 1979) destacau chugador de voleibol.
Vinclos externos Pachina web oficial d'o municipio
Categoría:Localidaz d'o voivodato de Lubusz