A batalla de Lepanto estió una batalla naval escaicita o 7 d'octubre de 1571 en o golfo de Corinto (una parti d'o golfo de Patrás, en a mar Chonica) a on luitoron d'una man os vaixiellos de l'Imperio Otomán y d'atra as naus d'a Liga Santa, una alianza militar formata ta luitar contra os otomans entre Espanya, a Republica de Venecia, os Estaus Pontificios, a Republica de Chenova, o ducau de Saboya y la Orden de Malta.
O resultau d'a batalla estió una victoria decisiva d'a Liga Santa, en fuyir d'a batalla nomás que 30 galeras d'as que en en prencipiar a batalla feban parte de l'Armata turca, estando asinas a batalla de Lepanto un freno a l'abance turco en a mar Mediterrania occidental, anque no se logró reconquerir territorios que os turcos ya heban ocupato ni fer que reblasen en os suyos ataques y incursions contra territorios cristianos.
En a batalla luitó entre os soldatos espanyols Miguel de Cervantes, quedando-ie curro en perder-ie a movilidat d'a man ezquierda.
Vinclos externos
Categoría:Batallas navals Categoría:Batallas d'a Republica de Chenova Categoría:Batallas d'Espanya Categoría:Batallas d'a Orden de Malta Categoría:Batallas de Saboya Categoría:Batallas de Venecia Categoría:Batallas d'os Estaus Pontificios Categoría:Batallas de l'Imperio Otomán Categoría:Batallas de 1571