right|thumb|250px|A ratificación d'a Paz de Westfalia en Münster, cuadro de Gerard ter Borch (1648, Rijksmuseum Amsterdam, Amsterdam). Se conoix en con o nombre de Paz de Westfalia u (impropiament) Tractau de Westfalia u Tractaus de Westfalia a un conchunto de tractaus internacionals sinyaus entre mayo y octubre de 1648 en as ciudaz d'Osnabrück y Münster, con os cuals rematoron d'una man a Guerra d'as Trenta Anyadas (1618-1648) en o Sacro Imperio Romano Chermanico y, d'atra man, a Guerra d'as Ueitanta Anyadas (1568-1648) entre Espanya y as Provincias Unidas.
En as negociacions y en as sinyaturas d'os tractaus prenió parte Ferrando III d'o Sacro Imperio Romano Chermanico, en representación d'os Habsburgo, y yeran representaus Espanya, o reino de Francia, Suecia y as Provincias Unidas, amás d'os suyos respectivos aliaus entre os prencipes y ciudaz libres d'o Sacro Imperio Romano Chermanico.
Os tractaus concretos que se i incluyen son:
Paz de Münster, sinyada entre as Provincias Unidas y o Reino d'Espanya o 30 de chinero de 1648, ratificada o 15 de mayo. Dos tractatos complementarios d'o 24 d'octubre de 1648: Tractau de Münster, entre o Sacro Imperio Romano Chermanico y Francia, amás d'os suyos respectivos aliaus. Tractau d'Osnabrück, entre o Sacro Imperio Romano Chermanico y Suecia, amás d'os suyos respectivos aliaus.
Iste conchunto de tractaus gosan considerar-se como l'alacet d'a moderna diplomacia, y establioron una nueva situación politica en Europa Central, basada en o concepto d'estau sobirán, y tenioron fundas consecuencias en a Historia d'Europa.
Antiparte, cal parar cuenta que ta bels historiadors tamién fa parte d'ixe conchunto de tractaus, encara que son deseparaus en o tiempo, o Tractau d'os Pireneus de 1659 entre Espanya y Francia.
Vinclos externos
Texto d'o Tractau de Münster . Texto d'o Tractau de Münster (Universidat de Yale). Textos d'os tractaus d'a Paz de Westfalia. A Paz de Wesffalia. Mapa d'Alemanya dimpué d'a Paz de Westfalia. Texto completo d'o Tractau d'Osnabrück. Texto completo d'o Tractau de Münster.
Categoría:Tractaus de 1648 Categoría:Guerra d'as Trenta Anyadas Categoría:Guerra d'as Ueitanta Anyadas Categoría:Tractaus d'Espanya Categoría:Tractaus de Francia Categoría:Tractaus d'os Países Baixos Categoría:Tractaus d'o Sacro Imperio Romano Chermanico Categoría:Tractaus de Suecia
hu:Harmincéves háború#A vesztfáliai béke