O monesterio de Studion (Hagios Ioannes Prodromos en tois Stoudiou en griego) estió un monesterio establito en l'antiga ciudat de Constantinoble en l'Imperio Romano d'Orient (hue ye en a ciudat d'Istanbul, en Turquía) en l'anyo 463 a iniciativa d'o cónsul Studios, qui li dió o suyo nombre. L'edificio se devantó a man d'a mar de Marmara en estilo bizantín baixo l'advocación de Sant Chuan Baptista, y se convertió en un gran monesterio con alto u baixo mil monches, que amás establió una regla que dimpués fue seguita por cuantos monesterios griegos (a regla fue establita por Sant Teodoro Estudita, qui la portió a os monesterios d'o monte Athos). O monesterio de Studion estió uno d'os grans defensors d'a Ilesia Ortodoxa, firmement oposato a o monofisismo. En o Segundo Concilio de Nicea en 787, Sabbas, abat d'o monesterio, esfendió o retorno a l'ortodoxia, y os suyos successors tenioron problemas con o patriarca de Constantinoble.
Mientres a iconoclasia bizantina os monches albandonoron o lugar, encara que dimpués i tornoron. En 1204 fue destruito por os cruzatos mientres a Cuatrena Cruzata, estando reconstruito en 1290. Sindembargo, en 1453, cuan os otomans conquirioron Constatinoble, lo tornoron a destruir ya ta cutio. Nomás sobrevivió a suya ilesia, que s'espaldó en 1894 por un tierratremo, estando espullata dende allora.
En o "Libro de los Emperadors" bi n'ha mencions, por eixemplo cuan parlan de Miguel I Rangabé:
Y a la fin d'o capítol dedicato a Basilio II Bulgaroctonos:
Vinclos externos
Categoría:Molimentos d'Istambul Categoría:Monesterios de Turquía Categoría:Monesterios ortodoxos Categoría:Arquitectura bizantina de Turquìa