Aimable Pélissier (Aimable Jean Jacques Pélissier), naixito de Maromme (Alta Normandía, Primera Republica Francesa, hue Francia) o 6 de noviembre de 1794 y muerto en Alcher (Alcheria francesa, hue Alcheria) o 22 de mayo de 1864, estió un militar, politico y diplomatico francés que plegó en l'Exercito francés dica o ran de mariscal de Francia, servindo dende 1815 dica a suya muerte baixo o Reino de Francia, a Segunda Republica Francesa y o Segundo Imperio Francés. Mientres a suya carrera militar, partecipó en a invasión absolutista d'Espanya por os Cient Mil Fillos de Sant Loís, en a Conquiesta francesa d'Alcheria y en a Guerra de Crimea.
A suya actuación mas controvertita estió en Alcheria mientres a invasión francesa t'adibir ixe país a las colonias de Francia, cuan o 18 de chunio de 1845 fació una mortalera de toda una tribu en a redolada de Mostaganem. Encara que istos feitos fuoron obchecto de protestas en toda Europa, os franceses no nomás no censuroron as suyas actividaz sino que amás lo promovioron a un ran superior, cheneral de división, ta convertir-se poquez meses dimpués en Gubernador cheneral d'Alcheria. Mientres a Guerra de Crimea lo nombroron mariscal de Francia, y tamién li concedioron o ducau de Malakoff y lo nombroron Gran Canciller d'a Lechión d'Honor.
Vinclos externos
Categoría:Lechión d'Honor Categoría:Mariscals de Francia Categoría:Militars de Francia d'a Guerra de Crimea Categoría:Politicos de Francia Categoría:Diplomaticos de Francia Categoría:Naixius d'o Sena Maritimo Categoría:1794 (naixencias) Categoría:1864 (muertes)