Gregorio López Raimundo, naixito de Taust (Cinco Villas) l'11 de chunio de 1914 Lopez Raimundo nombrado Hijo Predilecto de la Villa de Tauste en TausteWeb. y muerto en Barcelona (Barcelonés, Catalunya) o 17 de noviembre de 2007, Fallece Gregorio López Raimundo, histórico dirigente del PSUC, en o diario La Vanguardia. estió un politico aragonés, qui desembolicó a suya carrera politica en a politica de Catalunya, estando-ie Secretario Cheneral d'o Partit Socialista Unificat de Catalunya.
As suyas primeras anyadas Cuan Gregorio teneba 12 anyadas, os suyos pais se tresladoron a treballar a la ciudat de Zaragoza, encara que Gregorio, con su chermano Antonio López Raimundo, quedó en Taust con uns familiars. En 1934 viviba en Barcelona, a on se convertió en miembro d'as Juventudes Socialistas, prenendo parte en 1936 en a creyación d'as Juventuts Socialistes Unificades de Catalunya.
En primerías d'a Guerra Civil morió su chermano Antonio López Raimundo, sindicalista d'a Unión General de Trabajadores, y Gregorio pasó a militar en o Partit Socialista Unificat de Catalunya (PSUC), estando comisario politico de l'Exercito Popular Republicano en o Frent d'Aragón dica l'ofensiva de Catalunya, cuan trescruzó a muga con Francia ta convertir-se-ie en refuchiato politico, estando internato en o campo de concentración de Sant Cebrià de Rosselló.
A Guerra Civil y o franquismo Cuan esclató a Segunda Guerra Mundial, Gregorio Lopez Raimundo se tresladó en primeras enta Mexico, a on vivió 6 anyads, ta dimpués tornar clandestinament a trescruzar a muga tornando a l'Espanya franquista. Una vegata en trritorio catalán, tornó a organizar o PSUC clandestín en Barcelona, dica a suya detención por a Policía franquista en 1951 cuan preneba parte en a vada de tranvías de Bacelona, d'a cual n'estió uno d'os organizadors. Os vecins de Taust organizoron una recullita de sinyaturas ta demanar a suya libertat, estando o primer sinyatario l'alcalde de Taust. En 1952 lo condenoron a 20 anyadas de garchola por as suyas actividaz politicas, no demanando-ie a pena de muerte por as presions internacionals. L'indultoron d'a suya condena, pero l'expulsoron de territorio espanyol, encara que tornó a dentrar-ie clandestinament.
En 1956 l'esleyoron miembro d'o Secretariato y en 1965 Secretario Cheneral d'o Partit Socialista Unificat de Catalunya, substituyindo a Josep Moix i Regàs. Dende ixe inte, desembolicó en a clandestinidat as suyas tascas politicas.
O restablimento d'as libertaz En 1977, cuan se legalizó o PSUC, l'esleyoron deputato en o Congreso d'os Deputaus por o suyo partiu por a circumscripción de Barcelona en as eleccions chenerals espanyolas de 1977, tornando a esleyir-lo en as eleccions de 1979 y en as eleccions de 1982. Dende os suyos cargos politicos, estió firme valedor de l'eurocomunismo que preconizaba o Secretario Cheneral d'o Partido Comunista de España, Santiago Carrillo.
En 1985 albandonó a primera linia d'a vida politica, anque en 1997 optó por vincular-se con o PSUC viu, estando-ne o suyo president honorifico.
Homenaches Fillo predilecto de Taust. 2001: Medalla d'Oro de Barcelona. 2004: Doctor honoris causa por a Univerdidat Politecnica de Catalunya. 2005: Medalla d'Oro d'a Cheneralidat de Catalunya. Antiparte, o cantaire Raimon li adedicó en 1973 a suya canción T'he conegut sempre igual.
Obras 1976: PSUC: per Catalunya, la democracia i el socialisme. 1979: Cristianismo y socialismo en libertad. 1981: El PSUC y el eurocomunismo. 1989: Escrits. Cinquanta anys d'acció (1937-1988). 1993: Primera clandestinidad: memorias. 2006: Para la historia del PSUC.
Vinclos externos Lopez Raimundo nombrado Hijo Predilecto de la Villa de Tauste en TausteWeb. Muere Gregorio López Raimundo, líder del PSUC durante el franquismo y la transición, en El Sueño Igualitario, numero 48. Fallece Gregorio López Raimundo, histórico dirigente del PSUC, en o diario La Vanguardia.
Referencias
Categoría:Exiliaus aragoneses en Colombia Categoría:Exiliaus aragoneses en Francia Categoría:Exiliaus aragoneses en Mexico Categoría:Exiliaus d'o franquismo Categoría:Muertos en Barcelona Categoría:Naixius de Taust Categoría:Politicos d'Aragón Categoría:Politicos de Catalunya Categoría:Politicos d'o Partit Socialista Unificat de Catalunya Categoría:1914 (naixencias) Categoría:2007 (muertes)