Janica Kostelić (; naixida o 5 de chinero de 1982 de Zagreb, Yugoslavia, actualment Croacia) ye una esquiadora croata actualment retirada. Ye a unica muller que ha ganau cuatre medallas d'oro en uns Chuegos Olimpicos (en 2002 y 2006), y a unica muller que ha ganau tres medallas d'oro en una mesma cita olimpica (en l'anyo 2002).
Kostelić estió campiona d'a clasificación cheneral d'a Copa d'o Mundo d'esquí de 2001, 2003, y 2006. O 15 de chinero de 2006, se convirtió en a tercera muller en a historia d'a Copa d'o Mundo (dimpués d'a sueca Pernilla Wiberg y l'austriaca Petra Kronberger) en ganar a o menos una cursa en cadaguna d'as cinco disciplinas existents en a Copa d'o Mundo. O 5 de febrero de 2006 Janica estió a segunda muller (dimpués de Petra Kronberger) en ganar as cinco disciplinas en un mesmo anyo. Amás tien o record d'o mayor numero de puntos en una temporada. Mide 1.75 m d'altaria y pesa 66 kg.
Su chirmán Ivica Kostelić, tamién estió un destacau esquiador ganando cuantas medallas en os Chuegos Olimpicos d'hibierno y en os Campeonatos d'o Mundo d'Esquí.
Vinclos externos
Categoría:Esquiadors de Croacia Categoría:Esquiadors de Croacia en os Chuegos Olimpicos de 2002 Categoría:Esquiadors de Croacia en os Chuegos Olimpicos de 2006 Categoría:Medalla d'oro en os Chuegos Olimpicos d'hibierno Categoría:Medalla d'archent en os Chuegos Olimpicos d'hibierno Categoría:Naixius de Zagreb Categoría:1982 (naixencias)