Justin Cathal Geever (naixitu o 21 de febrero de 1973 de Pittsburgh, Pennsilvania, Estaus Unius), mas conoixito en o mundo musical como Justin Sane, ye o guitarrista y cantaire/compositor d'o grupo estausunidense Anti-Flag, un grupo de punk rock formato en 1988 en Pittsburgh, Pennsilvania, conoixito por os suyos ideyals de ezquierdas. Tien doble nacionalidat, estausunidense y irlandesahttp://www.youtube.com/watch?v=jD1aGnTigWk y vive actualment en Pittsburgh. O suyo nombre artistico le'n dioron os suyos amigos d'a escena punk de Pittsburgh.
Biografía Primers anyos Sane estió o zaguer fillo d'una familia irlandesa-estausunidense de clase obrera, por ixo a sobén cita a sus país como fuent d'inspiración. Éls ubrioron o primer restaurant vechetariano de Pittsburgh, feito que influyó en o vechetarianismo de Sane y o suyo refirme a os dreitos d'os animals.
A chermana de Sane, Lucy, estió qui le regaló a suya primera guitarra, lo que fació que él prencipiase a intresar-se por a musica punk rock y hardcore. A primera canción que escribió Sane tractaba sobre un choven con sobredosis y a segunda parlaba d'os telepedricadors.
Carrera thumb|left|250px|Justin, en un concierto d'Anti-Flag En 1988, Sane chunto a o suyo amigo Pat Thetic forma Anti-Flag. En l'anyo 1996, publican o suyo primer disco, Die for the Government. Ixe mesmo anyo, Andy Flag deixa o grupo debito a disputas personals. Cuantos miembros d'o grupo plegan y marchan entre 1997 y 1998, consiguiendo a la fin una formación estable con Sane como guitarrista/vocalista, Thetic como batería, Chris Head como guitarra prencipal/coros, y Chris "#2" Barker como baixista/segundo vocalista. En 1998, amaneixe o segundo disco d'o grupo, Their System Doesn't Work For You.
En 1999 Anti-Flag publica o suyo tercer disco, A New Kind of Army, y creyan a suya propia discografica, A-F Records. En 2001, sinyan con Fat Wreck Chords dimpués de plegar a un alcuerdo con o propietario d'a discografica, "Fat Mike" Burkett. Ye por ixas envueltas cuan publican con Fat Wreck Chords o disco Underground Network. thumb|180px|En a Universidat de Viena O suyo disco Mobilize, gravato chusto dimpués d'os ataques de l'11 de setiembre de 2001, amaneixe en primerías de 2002.Mobilize liner notes, 2002. Anti-Flag publica un split album chunto a Bouncing Souls siet meses dimpués. En 2003 apareixe The Terror State, un nuevo disco producito por Tom Morello de Rage Against the Machine. O primer DVD d'Anti-Flag DVD, Death of a Nation, amaneixe en 2004. O DVD incluye actuacions en conciertos, tres videos musicals, una entrevista con o grupo, imáchens d'a suya chira, y tres montaches feitos por o grupo.Death of a Nation DVD liner notes
En 2006, Anti-Flag publica For Blood and Empire con a discografica RCA Records. Bi ha fans que cretican a lo grupo por haber sinyato con una gran discografica, encara que lo disco tien una buena recepción por parti d'o publico. The Bright Lights of America amaneixe en 2008.
En mayo de 2008 Sane se treslada a vivir ta East End en Londres; dimpués tornaría atra vegata ta Pittsburgh.
En o 4 de marzo de 2009, Sane salta dencima d'o publico en un concierto en a Universidat d'East Anglia en Norwich y se creba a claviella. Por iste notivo Anti-Flag habió de cancelar a suya chira con Rise Against.
Instrumentos Sane fa servir guitarras ESP y LTD Eclipses, y actualment de forma exclusiva, ya que ye endorser d'ESP. D'antis mas tamién emplegaba guitarras Gibson Les Paul. Por un regular fa servir amplificadors Marshall como os modelos JCM800, 900 y 2000 y Marshall 1960. Sane y Head tamién han emplegato amplificadors Orange y Hiwatt en as suyas zagueras chiras.
Educación Sane se graduó en a Oakland School de Pittsburgh y posteriorment en a Universidat de Pittsburgh, fendo estudios de comunicacions y ciencias politicas.
Treballo en solitario Sane ha feito cuantas gravacions en solitario, como o disco de seis cancions These are the Days en 2001 u o suyo treballo Life, Love and the Pursuit of Justice en 2003. Istos treballos por un regular se centran en temas como l'aimor, a familia y atros conceptos cutianos, en contraste con as cancions politizatas que fa con Anti-Flag.
Discografía thumb|180px|Justin Sane Anti-Flag: Die for the Government (1996) North America Sucks (1998) Their System Doesn't Work for You (1998) A New Kind of Army (1999) Underground Network (2001) Mobilize (2002) BYO Split Series, Vol 4 (2002) The Terror State (2003) For Blood and Empire (2006) A Benefit For The Victims Of Violent Crime (2007) The Bright Lights of America (2008) The People or the Gun (2009) Solitario: Life, Love, and the Pursuit of Justice (2002) These are the Days EP (2002)
Referencias
Vinclos externos Pachina oficial d'Anti-flag Myspace oficial d'Anti-flag Entrevista con Justin Sane
Categoría:1973 (naixencias) Categoría:Musicos d'Estaus Unius Categoría:Cantaires d'Estaus Unius Categoría:Cantaires en anglés Categoría:Compositors d'Estaus Unius Categoría:Guitarristas d'Estaus Unius Categoría:Naixius de Pittsburgh