Iste articlo ye sobre a ilesia de Sant Nicolau de Bari d'o Frago, en Cinco Villas; ta atros usos, se veiga Ilesia de Sant Nicolau.
A ilesia de Sant Nicolau de Bari d'o Frago ye una ilesia adedicata a Sant Nicolau de Bari que se troba situata en O Frago, en a comarca aragonesa de Cinco Villas y provincia de Zaragoza, que pende eclesiasticament d'a Diocesi de Chaca. Ye protechita legalment con a suya declaración como Bien d'Intrés Cultural Declaración d'a ilesia de Sant Nicolau de Bari como Bien d'Intrés Cultural. Se tracta d'a ilesia parroquial d'o lugar. Parroquias del Arciprestazgo Erla-Uncastillo en o sitio web d'a Diocesi de Chaca.
O edificio orichinal se debantó mientres o sieglo XII en estilo romanico, tenendo una sola nau rectangular con vuelta de canyón con un abside semicircular, amás d'arcos faixons que descarregan dencima de columnas que tienen os s decoratos con motivos vechetals, encara que en o sieglo XVI se i adhibioron una torre con planta cuadrata con cuatre pinaclos, una sagristía y dos capiellas laterals.
A zaguera restauración d'a ilesia estió l'anyo 2010. El Frago inaugura la restauración de la Iglesia de San Nicolás de Bari tras una inversión de 200.000 euros.
Caracteristicas arquitectonicas A ilesia tien dentradas en as suyas fronteras meridional y occidental, totas dos en estilo romanico, con timpanos y arcos de meyo punto, atribuitas a o mayestro de Sant Chuan d'a Penya (u mayestro d'Agüero), qui treballó en cuantas ilesias de Cinco Villas. En as arquivoltas d'a suya frontera prencipal se i puet trobar a representación d'un calandario de tipo agricola, a on que cada mes de l'anyo se representa con una labor agricola concreta.
Ye prou conoixito uno d'os suyos s, a on se representa una bailarina, elemento decorativo común con cuantas atras ilesias d'a comarca a on treballó o mayestro d'Agüero.
En o suyo interior un retablo preside l'abside, situato dencima d'una cripta, estando asinas o presbiterio devantau, y bi ha tamién un coro d'o sieglo XIV.
Mencions en fuents aragonesas A ilesia de Sant Nicolau de Bari d'o Frago ye mencionata en textos aragoneses d'o "Fondo Sastago":Coloma Lleal, Paloma Arroyo Vega: Pergaminos aragoneses del Fondo Sástago: siglo XV. Institución Fernando el Católico, 2007.
Vinclos externos Fachada de la Iglesia de San Nicolás de Bari de El Frago (Zaragoza), en www.3digitalia.com.
Referencias
Nicolau de Bari d'o Frago Nicolau de Bari d'o Frago Nicolau de Bari d'o Frago Nicolau de Bari d'o Frago Frago Nicolau de Bari d'o Frago Ilesia de Sant Nicolau de Bari Ilesia de Sant Nicolau de Bari