Pero I d'Aragón u Pietro I d'Aragón (1070 - † 28 de setiembre de 1104) David González Ruiz: Breve Historia de la Corona de Aragón. Ediciones Nowtilus, S.L., Madrit, abril de 2012, p. 67, . rei d'Aragón y de Pamplona (1094 - 1104). Yera fillo de Sancho Remíriz y d'Isabel d'Urchel, y dende lo 4 de chunio de 1094 estió rei d'Aragón y de Navarra, cuan ya en yera de Sobrarbe y Ribagorza dende 1085. O reinau de Pero I significó a enampladura d'o territorio aragonés en as suyas partis central y oriental, en plegando asinas dica la sierra d'Alcubierre y os Monegros.
Cuan su pai Sancho Remíriz morió en o seche de Uesca lo proclamoron rei d'Aragón y Pamplona. Conquerió la ciudat de Uesca l'anyo 1095, dimpués de redotar a Mustain de Zaragoza en a batalla d'Alcoraz. En 1095 tamién prenió Nabal y Salinas, empecipiando a atacar as tierras de Balbastro. Con enchaquia d'a predicación d'a Primera Cruzada s'establió en un pueyo santo, que con o tiempo se clamaría o Pueyo de Sancho, chunto a Uesca (ermita de Sant Chorche).
Luitó chunto a lo Cit en a batalla de Bairén (1097), prenió Balbastro (1101), Sarinyena y prebó de conquistar Zaragoza. Encorraló Tamarit de Litera (1104). Reglamentó lo fuero d'os infanzons.
Afincó la supremacía militar d'as tropas cristianas sobre las musulmanas, y morió lo 28 de setiembre de 1104, en a val d'Arán cuan marchaba enta Biarn.
Se casó en primeras nuncias con Agnés d'Aquitania, en Chaca, en 1086, d'a que naixioron dos fillos que morioron antis que su pai:
Pero d'Aragón, qui casó con María Rodríguez filla d'o Cit y que morió en 1104. Agnés d'Aragón, qui morió en 1103.
En segundas nuncias se casó lo 16 d'agosto de 1097 en Uesca con Berta, a qui li dió como dote unas tierras en a Galliguera, a on que gubernaría cuantos anyos dimpués d'a suya muerte.
Árbol chenealohico
Vinclos externos
Referencias
Categoría:Dinastía Ximena Categoría:Reis de Navarra Categoría:Reis d'Aragón Categoría:1070 (naixencias) Categoría:1104 (muertes)