Benidorm (Benidorm en catalán y oficialment; Benidorm en castellano) ye un municipio valenciano, situato en a comarca d'a Marina Baixa, provincia d'Alicant y partiu chudicial de Benidorm (en ye a suya capital). Muga a l'este con os municipios de L'Alfàs del Pi, La Nucia y Polop, a o norte con Benimantell e a l'ueste con Finestrat.

Conoixita per tot o mundo per as suyas plachas, rascacielos y ambient nocturno y per estar un destín turistico de chents de tota parti d'Europa. Ye o municipio mes denso y populoso d'a Marina, estando a suya población 71.198 habitants (2010) y a suya superficie 38,51 km², con una densidat de población de 1.848,82 hab/km². A suya comarca forma l'Aria Metropolitana de Benidorm, formata per Benidorm, Finestrat, la Nucia, Polop, l'Alfàs del Pi, Altea y La Vila Joiosa con 182.302 habitants y ye en o numero 28 en o ranking de l'Estato.Noticia en o diario Información: "El boom demográfico lleva a la provincia a ser la única con tres áreas metropolitanas" (en castellano) 10-03-2007.

Toponimia Lo toponimo Benidorm presenta un formant beni- común en la toponimia valenciana. Bel autor interpreta que n'este caso Beni- ye l'arabizacion por etimolochías populars d'a secuencia latín-romance PĬNNA-penna-penya, representando una tautolochía por tener un segundo formant tormo. Emilio Nieto Ballester: Breve Diccionario de Topónimos Españoles. Alianza Editorial, 1997, pp 85-86.

Cheografía A localidat de Benidorm se troba situata a 15 metros d'altaria sobre o livel d'a mar, a una distancia de 17 km d'a ciudat de La Vila Joiosa, a capital d'a suya comarca, de 48,9 km d'a ciudat d'Alicant, a capital d'a suya provincia, y a 140 km d'a ciudat de Valencia, a capital d'o País Valenciano.

Historia Empecipiallos e primera Carta de Población As restas iberas d'o tozal de la Cala evidencian que entre os sieglos III e I a.C. ya existiba población. D'o paso d'os romanos bi ha muestras en as partidas d'o Moralet i Murtal y en naufrachios trobatos en a badía. Durando a epoca arabe bi hubo un asentamiento instable dito Beni Darhim y yera chus a churisdicción de l'alquería de Lliriet. En tot caso, a población estarba de poqueta importancia, pus no aparixe o nombre de Benidorm en o Llibre del Feyts de Chaime I, qui entre 1245 e 1249 cristianiza la zona e repartió as tierras. Iste reparto deixó como propietario d'o puesto e d'o castiello a l'almirant barcelonín Bernado de Sarriá, considerato como verdadero fundador d'o lugar, visto que o 8 de mayo de 1325 atorgó una carta de población ta que s'establise una población en o turón d'Alfalig, actual punta d'o Canfali, encara que no con masiato exito. A función d'iste documento consistió en sinyalar as buegas d'o nuevo municipio yendo dende a Torre de n'Aguiló dica o río Algar mugando con Alteya (Altea la Vella), Polop, o Castell de Finestrat e La Vila Joiosa (deseparando-se administrativament d'a baronía de Polop), asinas como prebar d'atrayer l'establimiento de chent cristiana de Catalunya, Aragón y Occitania. Estratechicament, l'orichen d'a villa sirvió ta frenar, per parti de Bernardo de Sarriá, l'enanto d'o poder de Rocher de Lauria, sinyor d'Alteya, a o sud d'o Reino de Valencia.Carta de Poblament de Benidorm (en valenciano) R. Alemany, A. Couto, J. Hinojosa i M. Cabanes. 1987. Concello de Benidorm.

Demografía

Administración Reparto de concellers Eleccions municipals Partiu 1979 1983 1987 1991 1995 1999 2003 2007 Partido Popular 14 13 Partit Socialista del País Valencià-PSOE 11 12 Total 25 25

Alcaldes Lista d'alcaldes Lechislatura Nombre Partiu politico1979–1983 José Such Ortega Unión de Centro Democrático1983–1987 Manuel Catalán Chana Partit Socialista del País Valencià-PSOE1987–1991 Manuel Catalán Chana Partit Socialista del País Valencià-PSOE1991–1993 Manuel Catalán Chana Partit Socialista del País Valencià-PSOE1993–1995 Eduardo Zaplana Partido Popular1995–1999 Vicente Pérez Devesa Partido Popular1999–2003 Vicente Pérez Devesa Partido Popular2003–2006 Vicente Pérez Devesa Partido Popular2006–2007 Manuel Pérez Fenoll Partido Popular2007–2009 Manuel Pérez Fenoll Partido Popular2007–2011 Agustín Navarro Independient

Cultura En a ciudat de Benidorm se i celebraba cada anyo`entre 1956 y 2006 o Festival Internacional d'a Canción de Benidorm, encara que no se celebró dende 1986 dica 1992. Dende 2021 se celebra lo Benidorm Fest.

Vinclos externos

Pachina web oficial municipal de Benidorm. Información de Benidorm en a pachina web d'a Deputación Provincial d'Alicant. Información de Benidorm en a pachina web d'a Cheneralidat Valenciana.

Referencias

*