José María Forqué (José María Forqué Galindo), naixiu de Zaragoza (comarca de Zaragoza) o 8 de marzo de 1923 y muerto en Madrit (Espanya) o 17 de marzo de 1995, estió un director cinematografico, guionista y productor cinematografico aragonés, activo en o cine espanyol dende meyaus d'os anyos 1940 y con cuantos premios recibius mientres a suya carrera cinematografica. Casau con a escritora Carmen Vázquez-Vigo, ye pai de l'actriz Verónica Forqué y d'o director Álvaro Forqué.
D'entre a suya filmografía, se puet citar bellas cintas, como Embajadores en el infierno (1956, con Antonio Vilar, Rubén Rojo, Luis Peña, Mario Berriatúa y Manuel Dicenta), Maribel y la extraña familia (1960, con Silvia Pinal, Adolfo Marsillach, Julia Caba Alba y Guadalupe Muñoz Sampedro), Usted puede ser un asesino (1960, con Alberto Closas, Amparo Soler Leal, José Luis López Vázquez y Julia Gutiérrez Caba), Atraco a las tres (1962, con José Luis López Vázquez, Cassen, Gracita Morales, Katia Loritz, Manuel Alexandre, Agustín González, José Orjas y Alfredo Landa), u Las que tienen que servir (1967, con Concha Velasco, Amparo Soler Leal, Laura Valenzuela, Manolo Gómez Bur, Alfredo Landa y José Sazatornil).
Premios En a suya honor, s'instituyoron en 1996 os Premios Cinematograficos José María Forqué, concedius cada anyada dende alavez por a Entidad de Gestión de Derechos de los Productores Audiovisuales.
Se veiga tamién Cintas con guión de José María Forqué. Cintas dirichidas por José María Forqué.
Vinclos externos José María Forqué Galindo en a Gran Enciclopedia Aragonesa. José María Forqué en Internet Movie Database. José María Forqué en Find A Grave.
Categoría:Directors cinematograficos d'Aragón Categoría:Guionistas d'Aragón Categoría:Muertos en Madrit Categoría:Naixius de Zaragoza Categoría:Premio Goya d'Honor Categoría:Premio Nacional de Cinematografía Categoría:Productors cinematograficos d'Aragón Categoría:1923 (naixencias) Categoría:1995 (muertes)