O ternasco u tarnasco ye o nombre con que se conoixe en Aragón a l'eixemplar choven d'o cordero que gosa tener cuan se sacrifica un peso en canal d'entre 8 y 12,5 kg. www.ternascodearagon.es
Historia thumb|left|250px|Un ternasco O cordero reunió en Aragón a las tres culturas que pasoron por a suya historia culinaria, a cristiana, a musulmana (considerau un alimento halal) y a chudieva (a on ye considerau kosher). "Guía del turismo gastronómico en España". Anaya. 2000. Pach. 170 - 179 Os chudieus aragoneses, en a suya cocina sefardita preparaban o cordero con pansas pa dimpués estar serviu como fiambre. Os musulmans, en a suya cocina andalusí, asaban as piezas apanyando-las con hierbas como a menta. Os cristianos gosaban minchar os menudos y se serviban d'os cerebros, os bodiellos y atra tripotalla. Ista forma de cocinar o ternasco, aproveitando os menudallos ha quedau en l'actualidat como un referent d'a cocina aragonesa d'o ternasco. Dende 2016 s'han ficau os nuevos tallos de ternasco d'Aragón,Nuevos cortes de Ternasco de Aragón que chunto a os cortes clasicos, buscan l'aproveitamiento de todas as partis d'o cordero, asinas como a introducción d'ista carne entre os mas chovens.
Preparacions Por un regular se prepara asau estando un d'os platos mas populars o "ternasco asau y mecha" marinau en vin mientres toda una nueit y posteriorment mechau y elaborau a la brasa con trunfas y tocín, muit popular en o Semontano de Balbastro. A vegadas s'asan a la tella. Atros platos populars en as tierras aragonesas son o "ternasco asau" en forno de lenya, os "charrez estofaus", as costiellas u a "garra trufada". Ye posible trobar versions d'iste plato guisau a lo chilindrón. "Los sabores perdido". Lorenzo Díaz. Edaf. Madrit, 2001. Pach. 58 Un plato tipico pastoril ye o ternasco a la pastora. En a cocina d'avantguardia espanyola gosa emplegar-se en bella preparación, servindo como ingredient en bels casos d'imachinativas tapas. Entre os platos de ternasco tipicos se tiene en a cocina uescana os ditos espargos montanyeses (consiste en as codas d'as corderas), a tradicional sopa aragonesa feita con os figados d'os corders, a chimfaina (guiso con menudencias de cordero). Dende 2002 se celebra o Territorio Bocata en o que se compite por a elaboración d'un ternasco en entropán.
Denominación d'orichen
O ternasco d'Aragón ye una carne con denominación especifica dende l'anyo 1989 cuan o Gubierno d'Aragón emparó ista certificación, estando dimpués ratificada en 1992. Dende 1996 ye amás reconoixiu en Europa como "indicación cheografica protechida".
Existe un Consello Regulador que ye qui se mira de que a calidat d'a carne sía buena y que se cumplan as caracteristicas que s'han de dar ta que isto sía asinas. Amás o Consello Regulador define os identificativos exclusivos que nomás a carne con Indicación Cheografica Protechida certificada puet levar.
Ta que un ternasco tienga a Indicación Cheografica Protechida ha d'estar d'una d'as siguients razas d'o país: rasa aragonesa, fardosca, roya bilbilitana, ansotana y maellana. Os corders s'han d'alimentar nomás con leit materna y cerials naturals dende a suya naixencia dende l'inte en que son sacrificaus con un peso en canal permitiu d'entre 8 y 12,5 kg.
Referencias
Vinclos externos Pachina oficial d'a Indicación Cheografica Protechida T.A. O ternasco en "Alimentos d'Aragón" www.iloveternascodearagon.com
Categoría:Gastronomía d'Aragón