Los arabismos en catalán son elementos lingüisticos orichinarios de la lengua arabe y presents en esta luenga romance. Los arabismos de lo catalán presentan circumstancias diferents a los arabismos de las luengas iberorromanicas, en especial a los de lo galaicoportugués y de lo castellano.
Origenes de los arabismos Persismos transmesos por l'arabe a lo catalán
250px|thumb|right|Uns espinaques cautivaus en la sierra de Castelltallat. La palabra aragonesa espinaques y la catalana espinacs se remontan a los elementos persas presents en la luenga arabe. Son d'origen persa: Alfals tiene un común orichen con l'aragonés alfalz en l'algarabía alfasfasa, manimenos en catalán septentrional se conserva la forma no arabe userda. Espinacs tiene común orichen con l'aragonés espinaques en l'algarabía ispinâg, *ispinâh < persa ispanah. Taronja tiene común orichen con l'aragonés toroncha en l'arabe clasico turunǧah l'algarabía turúnǧa, pero no se refiere actualment a lo citrico amargo Citrus × aurantium sino a lo citrico dulce Citrus × sinensis u narancha que introducioron los portugueses en lo sieglo XVI.
Helenismos transmesos por l'arabe a lo catalán
Comparanza de los arabismos de lo catalán con las luengas vecinas En cheneral se considera que en catalán bi ha menos arabismos que en estas luengas, pero bel autor ha notau que los arabismos yeran més abundants en lo catalán de los sieglos XIII y XIV y se conservan millor en valenciano.
Asinas, bi ha arabismos en catalán que corresponden a palabras que en castellano u atras luengas iberorromanicas son d'orichen romanico. L'aragonés queda entremeyo con un comportamiento intermedio. Alfàbia: tinalla Bacora: breva. Cascall: cascallo, l'ababol Papaver somniferum. Rajola: rechola.
Manimenos lo caso contrario tamién se documenta, bi habendo palabras catalanas d'orichen romanico que se corresponden a arabismos en castellano u atras luengas iberorromanicas: Bleda tiene lo mesmo orichen que lo benasqués blleda y corresponde a l'arabismo iberorromanico acelga. Baladre corresponde a l'arabismo iberorromanico adelfa
Bi ha uns pocos casos en los que en las luengas iberorromanicas y en catalán bi ha un emplego d'arabismos diferents pa lo mesmo significau: Sínia u sénia equivale a l'aragonés medieval cenia corresponde a l'arabismo iberorromanica noria / anoria. Rajola vidriada corresponde a l'arabismo castellano azulejo.
Campos semanticos de los arabismos Institucions Edificacions Agricultura Fitonimia Zoonimia
Arabismos antigos Bel arabismo que huei ye tipico de lo valenciano se trobaba en la baixa Edat Meya tamién en rosellonés, como albudeca (sindria u meló d'Alger en atras zonas, "melón d'augua").
Morfolochía de los arabismos Beluns de los arabismos comuns en catalán, aragonés y castellano presentan diferiencias en haber aglutinau l'articlo arabe Al:
Arabe Catalán Aragonés Castellano (al) qutn Cotó Cotón Algodón (al) kharshûf Carxofa Garchofa Alcachofa
Bibliografía
Fernández González, J.R.: Gramática histórica provenzal. Universidat d'Oviedo, 1985. Rafael Lapesa: Historia de la lengua española. Editorial Gredos. (1981). Carlo Tagliavini: Origenes de las lenguas neolatinas. Fondo de Cultura Economica. 1973. Heinrich Lausberg: Lingüística románica, tomo de Fonetica. Editorial Gredos. (1993). Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010 Chabier Tomás Arias: El aragonés del Biello Sobrarbe. Instituto de Estudios Altoaragoneses (1999). J.A. Saura: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).
Catalan Categoría:Lexicolochía d'o catalán