O chenero gramatical en castellano distingue en os sustantivos, adchectivos, articlos y bel pronombre personal entre chenero masculín y chenero femenino. Manimenos tamién existen restos d'o chenero neutro d'orichen latín, pero limitau a lo pronombre personal (ello), l'articlo definiu (lo), os quantificadors (cuanto, cuánto, tanto), os pronombres demostrativos (esto, eso, aquello) y bel pronombre indefiniu (algo, nada, todo).
O chenero d'os sustantivos Muitas vegadas se puet deducir o chenero d'as palabras seguntes as suyas terminacions.
Son de chenero masculín cheneralment as palabras terminadas en -o, -or, -n (libro, valor, corazón, etcetera.) os sustantivos d'orichen greco-latin terminaus en -ma y -ta (poema, panorama, planeta, poeta, etcetera.) as palabras relacionadas con os hombres, animals masculins, profesions masculinas, etcetera. (panadero, conductor, padre etcetera.) os nombres de ríos, vals, mars, etcetera. os nombres de dias d'a semana u d'o mes. os toponimos y nombres cheograficos que no terminan en -a.
Son de chenero femenino cheneralment as palabras terminadas en -a (casa, puerta, ventana, etcetera.) as palabras relacionadas con as mullers, animals femeninos, profesions femeninos, etcetera. (madre, vaca, modelo, etcetera.) totas as palabras terminadas en -dad u -tad, -tud, -ción, -sión y -xión (calidad, juventud, canción, pasión, flexión, etcetera.). os toponimos y nombres cheograficos que terminan en -a.
Bel eixemplo como excepcions palabra que termina en -o, pero ye femenina: mano palabras que terminan en -a, pero son masculinas: día, mapa, tequila, etcetera.
palabras invariables en chenero En castellano bi ha palabras, sobretot que significan profesions, que no varían en chenero. En este caso nomás l'articlo definiu u l'adchectivo marca o suyo chenero: palabras terminadas en -ista: el periodista, la periodista palabras terminadas en -nte: el cantante, la cantante; el presidente, la presidente (encara que existe tamién a forma moderna la presidenta). altros eixemplos: el joven, la joven (encara que existe a forma dialectal la jovena); el juez, la juez (tamién existe a forma poco usual la jueza).
palabras de chenero ambigo Bi ha bel sustantivo en castellano que se puet usar como masculín y femenino tamién, por eixemplo: el mar, la mar (a segunda forma ye més poetica). En ocasions, una palabra puet usar-se como masculina en singular y femenina en plural: el arte histórico, pero las bellas artes.
palabras homonimas con significaus que varían seguntes o chenero el capital ('fondo monetario') y la capital ('ciudat prencipal') el orden ('colocación u clasificación de cosas', 'institución relichiosa') y la orden ('mandato que s'ha d'executar'), etcetera.
O chenero d'os pronombres, articlos y quantificadors A diferencia d'os sustantivos, os pronombres, articlos definius y os quantificadors pueden tener chenero neutro, antimás d'o masculín y femenino. En este caso, a terminación masculina ye -e o consonant (este, ese, aquel, él, el), a femenina ye -a (esta, esa, aquella, la, ella) y lo neutro ye -o (esto, eso, aquello, lo, ello, algo, todo, cuanto, tanto).
Como os adchectivos no tienen formas especificas o terminacions ta lo chenero neutro, a forma en que deben concordar-se con ellos no difiere d'a masculina. Eixemplos: lo malo; algo bueno; esto es verdadero.
Categoría:Morfolochía d'o castellano Castellano